Նոր տվյալներ՝ Ту-154 ինքնաթիռի կործանման և ուղևորների մասին

Նոր, ճշգրտված տվյալներով՝ Սոչիի շրջանում կործանված՝ ՌԴ ՊՆ Ту-154 ինքնաթիռում 93 մարդ է եղել: Այս մասին հաղորդվում է ntv.ru-ն` հղում անելով ՌԴ ՊՆ կայքին:

Կայքը հրապարակել է օդանավում գտնվեղների անվանացանկը:

Օդանավում եղել են անձնակազմի 8 անդամներ, 9 լրագրողներ, «Խմեյմիմ» ավիաբազայում (Սիրիա) Ռուսաստանի օդատիեզերական ուժերի ավիախմբին Նոր տարվա կապակցությամբ շնորհավորելու մեկնող Ալեքսանդրովի անվան նվագախմբի 65 արտիստ, 8 զինծառայող և 2 քաղծառայող, ինչպես նաև քաղաքացիական ակտիվիստ, «Արդար օգնություն» հիմնադրամի ղեկավար Ելիզավետա Գլինկան։ Ըստ Ռուսաստանի պաշտպանության նախարարության՝ նա դեղամիջոցներ էր տանում Լաթաքիայի համալսարանական հիվանդանոցի համար։

Դեպքի հետաքննությամբ զբաղվող հանձնաժողովը հակված է այն վարկածին, որ ինքնաթիռի կործանման հիմնական պատճառը եղել է տեխնիկական ձախողումը: Այս մասին հայտնում է «Ինտերֆաքսը», հղում կատարելով Արտակարգ իրավիճակների ծառայությանը:

Մասնագետները բացառում են ահաբեկչության վարկածը

Աղբյուրի համաձայն` Ту-154-ը կործանվել է ծովում թռիչքի մոտ 7-րդ րոպեին՝ ափից 5 կմ հեռու, 50-100 մ խորության վրա՝ Անապային մոտ:

Օդանավի բեկորները ցրվել են ափամերձ տարածքի երկայնքով 1,5 կմ, դրանք գտնվում են 50-100մ խորության վրա: