Ախր Քեթրինի Միհրանի առաքիչից ի՞նչ համայնքապետ (լուսանկարներ)
Ձյան առաջին տեղումների հետ բոլոր շրջանների օրակարգային թիվ մեկ խնդիրը դառնում է ու մինչև ձմռան ավարտ այդպես էլ մնում է ձնամաքրման աշխատանքները: Համենայնդեպս, «Շարունակում ենք ձնամաքրման աշխատանքները» կայքէջային «ստատուսները» դառնում են բոլոր վարչական շրջանների կարգախոսները, և մնում որպես այդպիսին մինչև գարնան ձնհալը:
Մի խոսքով` ձնամաքրման աշխատանքները կարգախոսից այն կողմ չեն անցնում:
Օրինակ՝ Քանաքեռ-Զեյթուն վարչական շրջանի կայքէջում հայտնված՝ մեջբերում ենք. «Վարչական շրջանում շարունակվում են ձնամաքրման և սառցե շերտի հեռացման աշխատանքները» ֆեյսբուքյան ստատուսի տակ բավականին «խոսուն գործ» էր ներկայացված. կայքէջում զետեղված նկարները պատմում են, թե ինչպես երկու երիտասարդ Քանաքեռ-Զեյթուն վարչական շրջանի տարբեր թաղամասերում մաքրում են «Երևան» ձուլվածքով նստարանները (նկարները` տարբեր ռակուրսից): Իհարկե, նաև ականատեսներ են եղել, որ ևս երկու երիտասարդ էլ որոշ մայթերին աղ ու ավազ են ցանել, և միայն այդքանը…
Ու մինչ տղաները մաքրում են նստարանի ձյունը, օրինակ՝ Քանաքեռի Ծարավ Աղբյուր փողոցը շարունակում է մնալ բավականին հաստ սառցե շերտի տակ: Եվ ոչ միայն Ծարավ Աղբյուրը…
Սա արդեն լրիվ ծաղր է` քանաքեռցու, զեյթունցու և, ընդհանրապես, բոլոր նրանց նկատմամբ, ում ամենօրյա ճանապարհն անցնում է այս վարչական շրջանով:
Տպավորությունն այնպիսին է, թե վարչական շրջանի ղեկավար Արտակ Հանիսյանը թքած ունի, կամ, ավելի մեղմ ձևակերպմամբ, արհամարհում է քաղաքապետի հանձնարարականն առ այն, որ յուրաքանչյուր վարչական շրջանի ղեկավար պետք է ինքը ձեռնամուխ լինի իր շրջանի ձնամաքրման աշխատանքներին:
Թե ինչո՞ւ այդ աշխատանքները պատշաճ չեն կատարվում, և ինչո՞ւ են քաղաքապետի հանձնարարականներն անցել Արտակ Հանիսյանի ականջի կողքով, այս հարցը նրան ուղղելը պարզապես անիմաստ է. վերջինս կա′մ կպատասխանի, թե այս պահին իրականացվում են ձնամաքրման աշխատանքներ, և կա′մ` ինչպես միշտ, իրեն հատուկ ոճով, ոչինչ չի պատասխանի:
Նկատենք, որ պաշտոնավարման օրից` Արտակ Հանիսյանը չի պատասխանել իր ղեկավարած համայնքին վերաբերող որևէ հարցի, և ամեն անգամ հորդորել է, որ հարցերն իրեն գրավոր ուղղենք` առանց որևէ բացառության:
Արտակ Հանիսյանի նման պահվածքը թերևս ստանում է իր բացատրությունը, երբ ծանոթանում ես նրա կենսագրությանը: Քչերը գիտեն, շատերը` ոչ, որ Հանիսյանը եղել Քեթրինի Միհրանի աշխատողը, իսկ ավելի կոնկրետ` «Քեթրին Գրուպ» ՍՊԸ-ում՝ որպես առաքիչ-վարորդ: Միևնույն ժամանակ, նա 2009 թվականին ՀՀԿ ցուցակում զբաղեցրել է ոչ այնքան պատվավոր 77-րդ հորիզոնականը: Ու չի բացառվում, որ այս հորիզոնականից թռիչքը դեպի վարչական շրջանի ղեկավար, կատարվել է Միհրան Պողոսյանի անմիջական միջնորդությամբ: Այստեղ հարց է ծագում նաև, թե այդ ի՞նչ եղանակով և ինչպե՞ս է սիրաշահել Հանիսյանը Քեթրինի Միհրանին, կամ ինչ ծառայություն է մատուցել նրան, որ արժանացել է Միհրանի «սիրառատ» վերաբերմունքին…
Թեև կան պարզաբանումներ, ըստ որոնց` Արտակ Հանիսյանն այն ժամանակ եղել է նաև Քանաքեռ-Զեյթուն համայնքի ավագանու անդամ, սակայն համաձայնեք, որ վարորդից` վարչական շրջանի ղեկավար, ո′չ մեկ և ո′չ էլ նույնիսկ երկու քայլ է: Դրան հասնելու համար` հարկավոր է անցած ճանապարհ ունենալ, իսկ Հանիսյանի անցած ճանապարհը սահմանափակվում է «Քեթրին Գրուպ» ՍՊԸ-ի ցանցում բանանի ու այլ ապրանքատեսակների առաքումներ կատարելով: Ու համոզված ենք` որպես վարորդ՝ նա իր ճանապարհի սառցաշերտը չմաքրող ղեկավարին հաստատ հայհոյել է` չենթադրելով, որ մի օր էլ իրեն են հայհոյելու:
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Հայտնի բժիշկ-սրտաբանի մոտ հայտնաբերվել է մարիխnւանա
Նկատեցի՞ք, COP17-ի գագաթնաժողովին ինչպես տեղ ու դադար չկա եվրոպացի առաջնորդների ներկայությունից. Ինչ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
Հակակոռուպցիոն կոմիտեն մանրամասնել է` ինչու են ձերբակալվել «Ուժեղ Հայաստանի» թեկնածուն ու համակիրներ...
