Աշխատավարձ են տվել նրանց, ովքեր «ծանոթ են մեջ գցել». «Գլաս Ուորլդ Քամփնի»-ի աշխատակիցներ (ֆոտո)

Բյուրեղավանի ապակե տարաների «Գլաս Ուորլդ Քամփնի» ընկերության աշխատակիցներն իրենց աշխատավարձերն ստանալու հույսը կապում են կառավարության հետ: Չնայած ցրտին՝ գործարանի մի քանի տասնյակ աշխատակից` պաստառները ձեռքին, ու «վարչապետ, վարչապետ…» վանկարկելով՝ կառավարության շենքի դիմաց պահանջում էին հանդիպում Կարեն Կարապետյանի հետ:

Ընկերությունը նրանց պարտք է ավելի քան 5 ամսվա աշխատավարձ, որն, իրենց իսկ խոսքով, կլորիկ գումար է կազմում: Գործարանն արդեն մեկ տարի է՝ սնանկացել է ու դադարեցրել գործունեությունը:

karavarutyan-dimac-havaqvac-qaxaqacinern-pahanjumen-handipum-varchapet-karen-karapetyanihet-nranchen-vjarumirenc-ashxatavardzern-1

Աշխատավարձերի պարտքը գործարանը թեև մասամբ մարել է, սակայն աշխատակիցները պնդում են, որ գումարներ ստացել են միայն նրանք, ովքեր համեմատաբար քիչ աշխատավարձ ունեին ստանալու կամ «ծանոթ են մեջ գցել»:

karavarutyan-dimac-havaqvac-qaxaqacinern-pahanjumen-handipum-varchapet-karen-karapetyanihet-nranchen-vjarumirenc-ashxatavardzern-2

«Տարբեր գումար են պարտք, մարդ կա մինչև 3 միլիոն դրամ են պարտք: Ասում են՝ կլինի, կտանք… Ամեն ինչը քանդել են, գործարանը սնանկացրել են, այժմ տնօրենը Արմեն Թորոսյանն է: Բացի այն, որ գումարը չեն տալիս, ամեն անգամ հույս են տալիս, որ առողջացման ծրագիր են որոշել, գործարանը կրկին կաշխատի, բայց գործարանի առողջանալու փոխարեն, իրենք են առողջանում»,- NEWSPRESS.am-ի հետ զրույում ասաց աշխատակիցներից մեկը:

karavarutyan-dimac-havaqvac-qaxaqacinern-pahanjumen-handipum-varchapet-karen-karapetyanihet-nranchen-vjarumirenc-ashxatavardzern-3

Մեկ այլ աշխատող էլ նկատեց. «Ումը փոքր գումար է եղել, տվել են կամ էլ ծանոթ են եղել, դրա համար են տվել: Մենք հույս չունեինք էլ, որ մեր փողերը կտան ու սկսել էին չպայքարել. նոր վարչապետն եկավ, հույսեր ունեցանք,որ կտան, բայց չգիտենք, թե նա որքանով է մեր գործին տեղյակ ու ինչ կանի»:

Ամեն դեպքում՝ գործարանի աշխատակիցներն ուզում են հավատալ, որ Կարեն Կարապետյանը գործին ընթացք կտա: