Ձնամաքրման գումարները՝ Տարոն Մարգարյանի ամանորյա սեղանի՞ն
Սառցապատ փողոցներն ու մայթերն իսկական պատուհաս են դարձել երևանցիների համար ու կաթվածահար արել երթևեկությունը:
Դեկտեմբերի 14-ի առավոտից, ձյան տեղումների հետ, քաղաքապետարանի տեղեկատվության և հասարակայնության հետ կապերի վարչությունը հաղորդագրություններ է տեղադրում՝ հայտնելով, թե իբր «մայրաքաղաքի բոլոր վարչական շրջաններում տեղացող ձյան պայմաններում շարունակվել են ձնամաքրման և ձնահեռացման աշխատանքները», որ իբր այս պահին էլ դեռ «շարունակվում են փողոցների ու մայթերի աղի ու ավազի խառնուրդով մշակման աշխատանքները, որոնք կընթանան ողջ օրվա ընթացքում: Զուգահեռ մաքրվում են բակային տարածքները, հետիոտնային ստորգետնյա և վերգետնյա անցումները» ու, իբր աշխատում են արտակարգ ռեժիմով:
Տպավորություն է ստեղծվում, որ «Սանիթեքի» աշխատակիցները ձյունը երկնքից են բռնում՝ դեռ գետնին չհասած:
Իրականում հաղորդագրությունների տեղադրումը քաղաքապետարանի կայքէջում ավելի ակտիվ ու պարտաճանաչորեն է իրականացվում, քան փողոցների մաքրման աշխատանքները:
Իհարկե շատ լավ կլիներ, եթե դրանք իսկապես համապատասխանեին իրականությանը, բայց խնդիրը հենց այն է, որ մարդիկ կարդում են հաղորդագրությունը և դուրս գալով փողոց՝ ճակատ առ ճակատ հանդիպում դաժան իրականությանը, ու սառած մայթերն զգում իրենց ճակատին…
Այնպիսի տպավորություն է, որ քաղաքապետարանը «Սանիթեքին» հանձնարարում է ո՛չ թե մաքրել փողոցները, մայթերն ու հաղորդագրությամբ մատնանշված էլի մի շարք տարածքներ, այլ հարմար դիրք գրավել, «ճոխ» նկարներ անել տարբեր ժամերի, տաբեր վայրերում, տարբեր ռակուրսներով ու «ցրվել»…
Սա, իրո՛ք, արտակարգ ռեժիմ է, որի համար քաղաքապետ Տարոն Մարգարյանի թեթև ձեռքով, հաստատ քաղաքի բյուջեից մի կլորիկ գումար կհատկացվի, որը թերևս հնարավոր է նաև քաղաքապետի ամանորյա սեղանի մաս կազմի…
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
Ո՞վ է ԶՊՄԿ-ում մաhաgած աշխատակիցը
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
«Կգնանք թեկուզ վաղը»․ Պուտինի ազդանշանը Փաշինյանին․ ի՞նչ կկորցնի Հայաստանը
Խարդախության նոր ալիք է, ուշադիր եղեք... մի պատասխանեք զանգերին
Փաշինյանը Պուտինի հետ զրույցից հետո խոսեց ռուսերեն․ Մոսկվան Երևանին փակուղու առաջ է կանգնեցրել. Моск...
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
