«Փաստ». Դավիթ Լոքյանի ունեցվածքը

«Փաստ» օրաթերթը գրում է.

«ՀՀ տարածքային կառավարման և զարգացման նախարար Դավիթ Լոքյանը 142 միլիոն դրամի չափով արժեթղթեր (բաժնետոմսեր) ունի: Այս մասին տեղեկանում ենք նախարարի՝ Բարձրաստիճան պաշտոնատար անձանց էթիկայի հանձնաժողովին ներկայացրած 2016 թ. պաշտոնը ստանձնելու հայտարարագրից:

Դավիթ Լոքյանի հայտարարագրից իմանում ենք, որ նա մեկ բնակարանի, մեկ առանձնատան և մեկ հասարակական նշանակության շինության սեփականատեր է:

Նախարարի՝ պաշտոնը ստանձնելու օրվա դրությամբ հայտարարագրած դրամական միջոցները կազմել են 4 հազար ԱՄՆ դոլար և 2 հազար եվրո:

Իսկ նրա հունվարի 1-ից մինչև սեպտեմբերի 27-ն ընկած ժամանակահատվածում ստացած եկամուտները գոյացել են աշխատավարձից և շահաբաժնից և կազմել 28 միլիոն 568 հազար դրամ:

Դավիթ Լոքյանը տարածքային կառավարման և զարգացման նախարար է նշանակվել այս տարվա փետրվարին: Մինչ այդ նա ևս աշխատել է կառավարությունում՝ տարբեր տարիներին զբաղեցնելով քաղաքաշինության և գյուղատնտեսության նախարարների պաշտոնները:

Մանրամասները՝ թերթի այսօրվա համարում