Հայերեն առաջին տպագիր Աստվածաշնչի 350-ամյակին նվիրված նոր գեղաթերթիկ

Նոյեմբերի 13-ին, Ամստերդամի Համալսարանի Հատուկ ժողովածուների սրահում մարվել է 1 նամականիշով գեղաթերթիկ՝ նվիրված «Կրոն. Հայերեն առաջին Աստվածաշնչի 350-ամյակը` Ոսկան Երևանցու տպագրությամբ» թեմային:

«Հայփոստ» ՓԲԸ մամուլի ծառայության փոխանցմամբ՝ նամականիշի վրա պատկերված է հայերեն լեզվով տպագրված առաջին Աստվածաշունչը, իսկ գեղաթերթիկը պատկերում է Աստվածաշնչի Ծննդոց գրքի աշխարհի ստեղծման տեսարանը:

Գեղաթերթիկի մարման հանդիսավոր արարողության մասնակցել են Նիդերլանդներում Հայաստանի Հանրապետության արտակարգ և լիազոր դեսպան Ձյունիկ Աղաջանյանը, Հոլանդիայի խորհրդարանում քրիստոնեական կուսակցության անդամ Յոել Ֆորդեվինդը, Ամստերդամի համալսարանի խորհրդի նախագահ դոկտոր պրոֆեսոր Խիրթ Տեն Դամը, Նիդեռլանդներում Արևմտյան Եվրոպայի Հայրապետական փոխանորդ պատվիրակ Հայր Արեն Շահինյանը, Ամստերդամի Սբ. Հոգի Հայ առաքելական եկեղեցի, Սբ. Գրիգոր Նարեկացի դպրոցի տնօրեն

Վահան Ավագյանը և Հայփոստ ՓԲԸ գլխավոր գործադիր տնօրենի պաշտոնակատար
Հայկ Ավագյանը:
Կրոն. Հայերեն առաջին Աստվածաշնչի 350-ամյակը` Ոսկան Երևանցու տպագրությամբ
Թողարկման օրը` 13 նոյեմբերի 2016թ.
Դիզայնը՝ Դավիթ Դովլաթյան
Տպարանը` Cartor, Ֆրանսիա
Նամականիշի չափսերը` 30,0 x 40,0 մմ
Գեղաթերթիկի չափսերը` 80,0 x 93,0 մմ
Տպաքանակը՝ 20 000 h.