ԱՄՆ նորընտիր նախագահ Դոնալդ Թրամփի մտքերը՝ Վլադիմիր Պուտինի մասին

2016 թվականի նոյեմբերի 8-ին ԱՄՆ-ի 45-րդ նախագահ ընտրվեց գործարար, միլիարդատեր, շինարարական մագնատ, հյուրանոցների և խաղատների խոշոր ցանցի սեփականատեր Դոնալդ Թրամփը: ՏԱՍՍ լրատվական գործակալությունը հավաքել է Թրամփի՝ տարբեր ժամանակներում արտահայտած մտքերը ՌԴ նախագահ Վլադիմիր Պուտինի մասին:

«Ինչ էլ որ լինի, Պուտինը չի հարգում մեր նախագահին: Բայց նա մեծ ժողովրդականություն է վայելում Ռուսաստանում, նրան այնտեղ սիրում են այն բաների համար, ինչ նա անում է, թե ինչ է նա իրենից ներկայացնում»: 

-Fox News հեռուստաալիքին տված հարցազրույց, 2015թ. հունիսի 18:

«Եթե Վլադիմիր Պուտինն ուզում է մտնել Սիրիա և հեռացնել այնտեղից «Իսլամական պետությանը», ապա ես նրան աջակցում եմ 100 տոկոսով: Չեմ հասկանում՝ ինչպես կարող է որևէ մեկը դեմ լինել դրան»: 

-Հանրապետական թեկնածուների միջև բանավեճ, 2015թ, նոյեմբերի 10:

«Եթե խոսքը Պուտինի մասին է, ապա նա ընդգծված հանդիսանում է ուժեղ ղեկավար Ռուսաստանի ղեկավար: Նա ավելի ուժեղ լիդեր է, քան մեր նախագահը (նկատի ունի Օբամային): Եվ դա փաստ է: Դա չի նշանակում, որ ես հավանություն եմ տալիս նրան»:

– բանավեճի ընթացքում, 2016թ. մարտ: 

«Նա (Պուտինը-խմբ.) իսկական լիդեր է, նա խիստ վերահսկում է երկիրը: Բայց դա այլ համակարգ է: Պարտադիր չէ, որ այն ինձ դուր գա: Բայց այդ համակարգում նա լիդեր է, ավելի, քան մեր նախագահն իր համակարգում: Կարծում եմ՝ ես շատ-շատ լավ հարաբերություններ կունենամ Պուտինի հետ և կարծում եմ՝ շատ-շատ լավ հարաբերություններում կունենամ Ռուսաստանի հետ»: 

-NBC News հեռուստաալիքի և Իրաքի և Աֆղանստանի ամերիկացիների վետերանների կազմակերպության ֆորումի ժամանակ, 2016թ, սեպտեմբեր: 

«Ասում են՝ ես սիրում եմ Պուտինին: Ես ոչ սիրում, ոչ էլ ատում եմ նրան»:

-Նևադա նահանգում ելույթի ժամանակ, 2016թ. հոկտեմբերի 6

«Քլինթոնը չի սիրում Պուտինին, որովհետև նա մատների վրա խաղացրել է Քլինթոնի շրջապատում բոլորին: Պուտինը մատների վրա խաղացրել է նրան և Օբամային բոլոր փուլերում: Լինի դա Սիրիայի հարցում, հրթիռների, որտեղ պատահի: Ես չեմ ճանաչում Պուտինին, երբեք չեմ հանդիպել նրա հետ: Նա իմ լավագույն ընկերը չէ: Բայց եթե ԱՄՆ-ն կարգավորի հարաբերությունները Ռուսաստանի հետ, ամենևին էլ վատ չի լինի»: 

Հանրապետականների և Դեմոկրատների թեկնածուների միջև բանավեճի ընթացքում, Նևադա նահանգ, 2016թ. հոկտեմբերի 19