Դիզվառելիքը լցրել է ավտոմեքենաների վրա և հրկիզել

ՀՀ քննչական կոմիտեի հատկապես կարևոր գործերի քննության գլխավոր վարչությունում ավարտվել է ուրիշի գույքը ոչնչացնելու դեպքի առթիվ հարուցված քրեական գործի նախաքննությունը:

2016 թվականի փետրվարի 4-ին ահազանգ էր ստացվել առ այն, որ Արագածավան գյուղում՝ Հ.Դավթյանին պատկանող հացի արտադրամասի մոտ, հրդեհ է բռնկվել: Պարզվել է, որ հրկիզվել են Հ.Դավթյանին պատկանող մեքենաները:

Դեպքի առթիվ հարուցվել է քրեական գործ, և ձեռնարկվել անհրաժեշտ քննչական գործողություններ՝ պարզելու ավտոմեքենաների բռնկման պատճառը, հանգամանքները։

Կատարված բազմակողմանի քննության արդյունքում բավարար ապացույցներ են ձեռք բերվել, որ ավտոմեքենաները հրդեհվել են դիտավորությամբ, պարզվել է առերևույթ հանցագործություն կատարած անձի ինքնությունը, շարժառիթը։

Նախնական քննության տվյալներով՝ Արագածավան գյուղի բնակիչ Ա.Խամոյանը, 2016 թվականի փետրվարի 3-ին ականատես լինելով Արագածավան գյուղում համագյուղացիների միջև տեղի ունեցած վիճաբանության ժամանակ եղբոր՝ Արտյոմ Խամոյանի և Վարդգես Գալստյանի սպանությանը, սպանությունն իրականացրած անձանցից և նրանց ընկերներից վրեժխնդիր լինելու դիտավորությամբ, հրկիզման եղանակով ոչնչացրել է համագյուղացի՝ Հ.Դավթյանին պատկանող առանձնապես խոշոր չափերի գույքը:

Մասնավորապես, 2016 թվականի փետրվարի 4-ին՝ ժամը 01:00-ից 03:00-ն ընկած ժամանակահատվածում, նախապես վերցրած դիզելային վառելիքը լցրել է Հ.Դավթյանին պատկանող երեք ավտոմեքենաների վրա և հրկիզման եղանակով վնասել դրանք:

Ձեռք բերված ապացույցների համակցությամբ՝ Ա.Խամոյանին մեղադրանք է առաջադրվել՝ ՀՀ քրեական օրենսգրքի 185-րդ հոդվածի 3-րդ մասի 1-ին կետով (ուրիշի գույքը դիտավորությամբ ոչնչացնելը կամ վնասելը, որը պատճառել է առանձնապես խոշոր չափերի վնաս): Նրա նկատմամբ որպես խափանման միջոց է ընտրվել ստորագրություն՝ չհեռանալու մասին։

Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին:
Նոյեմբերի 11-ին՝ Վազգեն Սարգսյանի անվան «Հանրապետական» մարզադաշտում, կկայանա Աշխարհի 2018 թ. առաջնության Հայաստան-Չեռնոգորիա ընտրական հանդիպումը: Խաղի գլխավոր մրցավարն է Պավել Կրալովեցը Չեխիայից: Նրա օգնականներն են Ռոման Սլիսկով Սլովակիայից և Իվո Նադվորնիկը Չեխիայից: 4-րդ պաշտոնյաի պարտականությունները կկատարի Միրոսլավ Զելինկան Չեխիայից: