Իտալիայի նախկին նախագահը ծաղրել է Գերմանիայի կանցլեր Մերկելի քաղաքականությունը (լուսանկարներ)

Վերոնայում սկսվեց «ԵՄ֊Եվրասիական միություն» հինգերորդ միջազգային հեղինակավոր ֆորումը, որի հիմնական կազմակերպիչն իտալական խոշորագույն «Ինտեսսա» բանկն է (նա առաջինն է Իտալիայում և երրորդը՝ Եվրոպայում):

Բացման գլխավոր մասը ԵՄ-ի ստեղծողներից և հայտնի նախագահ (նաև Իտալիայի նախկին նախագահ ու վարչապետ) Ռոմանո Պրոդիի ելույթն էր: Պարոն Պրոդին նաև ՊԱՆԱՊ (Վերլուծությունների և Կանխագուշակումների Համաեվրոպական Կենտրոնի) նախագահության անդամն է (համանախագահ և գլխավոր տնօրեն՝ Աշոտ Գրիգորյան, համանախագահ Յան Չարնոգուրսկի):

Պարոն Պրոդին անխնա քննադատեց ԵՄ-ի ներկայիս անատամ քաղաքականությունն ԱՄՆ-ի կատարողը դառնալու, Ռուսաստանի դեմ անիմաստ և սեփական ժողովուրդներին վնասող սանկցիաների և այլ հարցերում: Ըստ պարոն Պրոդիի՝ ԵՄ-ն պիտի կտրուկ փոխի իր կողմնորոշումը դեպի Եվրասիա: Նա հատկապես ծաղրեց Գերմանիայի կանցլերի ծիծաղելի քաղաքականությունը, երբ վերջինս սատարում է Ռուսաստանի դեմ սանկցիաները, բայց ակտիվ համագործակցում է վերջինիս հետ՝ նաև սատարելով Գերմանիայի համար շատ շահավետ Հյուսիսային Հոսքը:

Պարոն Պրոդին հայտարարեց, որ ԵՄ-ն ճիշտ գնահատեց ԱՄՆ-ի կողմից ստեղծված Ատլանտյան համագործակցությունը, որը մահացած ծնվեց: Ըստ նրա՝ խայտառակ է այսօր ՆԱՏՕ-ի պահվածքը Ռուսաստանի նկատմամբ, որը Երրորդ համաշխարհայինի է տանում աշխարհին: Նման եզրահանգումները հաստատեցին նաև մնացյալ բանախոսները. Իմտեսայի նախագահության անդամ և համանախագահ Անտոնիո Ֆալիկոն, Արքայադուստր Ինգրիտ Դետտեր դե Ֆրանկոպանը, Ամերիկյան համալսարանի նախագահ Էդուարդ Լոզանսկին և այլք:

Արքայադուստր դե Ֆրանկոպանհ համարձակ հայտարարություն կատարեց. «Եթե ԱՄՆ-ի նախագահ դառնա Հիլարի Քլինթոնը և նա շարունակի Սիրիայի շուրջ ոչթռիչքային տարածք ստեղծելու պահանջը, ապա սա կբերի հզոր պատերազմի սկիզբը: Ըստ նրա՝ խայտառակություն է, երբ Հիլարին կեղծում է տարիներ առաջվա կատարվածը և մեղադրում այլոց Սիրիայում սկսված ահավոր պատերազմի հարցում:

Բոլորն են հիշում, որ Ռուսաստանը և Չինաստանը վետո դրեցին տարիներ առաջ ԱՄՆ-ի արկածախնդիր պահանջին ՄԱԿ-ում՝ Սիրիայի վրա հարձակվելու հարցում: Այսօր և ԴԱԻՇ-ին և ահաբեկիչներին ոչնչացնում է ռուսական օդուժը:Եվ Հիլարիի նմանները տարածում են կեղծիք և ծառայում են պատերազմ հրահրող ուժերին:

Այնուհետև ծավալվեցին ԵՄ-Ասիա տնտեսական հարաբերությունների զարգացման քննարկումները: ԵՄ-Ասիա բիզնես ֆինանս կենտրոն Հոլդինգի նախագահ Աշոտ Գրիգորյանն առաջին անգամ ներկայացրեց այս հեղինակավոր ֆորումի մասնակիցներին Հայաստանը միջազգային համագործակցության մեջ ներգրավելու Հոլդինգի ծրագիրը: Ներկայացվեցին Իրան-Հայաստան-Վրաստան և Սև ծովով ու Դանուբով Սլովակիա և Արևմտյան Եվրոպա նոր «մետաքսե ուղու» առաջարկը: Այս առաջարկը զարմանալի աշխուժություն առաջացրեց: Հիանալի էր Եվրասիական Միության նախարար Տատյանա Վալովայայի արձագանքը: Նա հայտարարեց, որ նման նոր ուղին չափազանց հետաքրքիր է Իրան-Հայաստան երկաթուղի կառուցելու հեռանկարով:

Եվրասիական Միությունը սատարում է երկաթուղու կառուցումը, և եթե Հոլդինգն օգնի ֆինանսավորման հարցում, ԵՏՄ-ն ամբողջովին կկանգնի այս ուղու սատարելուն և հարցերի լուծմանը կօգնի: Անչափ հետաքրքիր հայտարարություն կատարեց նաև Չինաստանի «Մետասքե ուղու» գլոբալ ֆինանսավորման Էքսպերտ Սուն Խունբինը: Ֆինանսավորման փորձագետը ներկայացրեց Իրան-Հայաստան երկաթուղու ռեալ ֆինանսավորման հնարավորությունը հատուկ Եվրասիական բանկ ստեղծելու միջոցով, որի շուրջ տարվում են աշխատանքներ, որոնք մոտ են ավարտին: Ըստ բանախոսի՝ նոր բանկն ունենալու է AAA բանկային աստիճանը և խնդրեց իր հետ կապ պահպանել երկաթուղու ֆինանսավորման շուրջ: Այսպիսով՝ նոր «Մետաքսե ուղու» եվրոպական ապրոբացիան անցավ գերազանց, և կողմերը պայմանավորվեցին սկսել համագործակցությունը որքան հնարավոր է շուտ:

Ֆորումի աշխատանքային ետկեսօրը սկսված է և քննարկումները շարունակվում են: