«Սամցխե-Ախալցիխե» հիմնադրամի շնորհիվ 150 տարի անց Ախալցխայի սուրբ Նշան եկեղեցին գիշերային լուսավորություն ունի (լուսանկար)

Ախալցխա քաղաքի Մարդա թաղամասում է գտնվում Ս.Նշան (Ս.Վարդանանց) եկեղեցին: Եկեղեցու կառուցումից մոտ հարյուր հիսուն տարի անց լուծվեց եկեղեցու գիշերային լուսավորության հարցը: Խնդիրը լուծվեց «Սամցխե-Ախալցիխե» բարեգործական հիմնադրամի ջանքերով:

«Սամցխե-Ախալցիխե» բարեգործական հիմնադրամի նախագահ Անդրեաս Սրաբյանը Ախալցխայի հայության համար կարևոր եկեղեցու լուսավորության հարցը լուծելու համար հանդիպել է Սամցխե Ջավախեթիի շրջանի նահանգապետ Ակակի Մաչուտաձեի և ազգային ժողովի պատգամավորի թեկնածու Գիա Կոպաձեի հետ: Երկկողմ բանակցություններն արդյունք են տվել. եկեղեցին այժմ ունի գիշերային լուսավորություն:

Առաջարկությունը եղել «Սամցխե-Ախալցիխե» բարեգործական հիմնադրամի կողմից, առաջարկվել է նաև ներկել եկեղեցու տանիքը, որին վրացական կողմը ևս համաձայնել է: Քննարկվել է նաև հետագա համագործակցության վերաբերյալ մի շարք հարցեր:

«Մեր հիմնադրամը փորձում է հայ-վրացական հարաբերություններն է′լ ավելի բարելավել: Հույս ունենք, որ ապագայում արդյունքներն ավելի շատ կլինեն»,- ասաց հիմնադրամի տնօրեն Անդրեաս Սրաբյանը:

Նշենք, որ Ս.Նշան (Ս.Վարդանանց) եկեղեցին կենտրոնագմբեթ ութանիստ թմբուկով, սրբատաշ քարերով, արևմուտքից կից եռահարկ զանգակատնով կառույց է: Եկեղեցին ունի ճակտոնների գագաթներին քառասյուն փոքր զանգակատներ, երեք մուտք, ներսում երկու զույգ մույթեր, խորանի երկու կողմերում մեկական ավանդատներ:

surbnshan-yekexecin-axalcxayum-kamsurb-vardananc-baregorcakan-cragir-vrastan