«15-20 հոգով ծեծել են։ Էնքան էին ծեծել Արթուրին, սպանել էին». Ինչ է կատարվել Էջմիածնում. Lragir.am

Էջմիածնի նախկին քաղաքապետ Հրաչիկ Աբգարյանը Lragir.am-ի հետ զրույցում, անդրադառնալով երեկ կեսգիշերին Էջմիածնում տեղի ունեցած միջադեպին, ասել է. «Հիվանդանոցում երկուսն էլ պառկած են շատ ծանր վիճակում, և վաղը Էջմիածնում ընտրություն չպետք է լինի», հայտարարել է նա՝ հավելելով, որ տեղի ունեցածից հետո նախ քրեական գործ պետք է հարուցվի, և ընտրությունը չեղյալ հայտարարվի։

«Ինչպե՞ս կարող են էդ մարդիկ կրակոց անեն, էդ մարդիկ կյանքում զենքի հետ վարվելու ձևը չեն իմացել, ոնց կարող են կրակել։ Սա խայտառակություն է, և կրկնում եմ՝ Էջմիածնում պետք է ընտրությունները չեղյալ հայտարարվեն, վերջ», ասել է նա։

Տեղեկատվությունը, թե իր եղբորորդու մեքենայի միջից են կրակոցներ հնչել, Հրաչիկ Աբգարյանը ասել է.«Իրենք չեն կարող նման բան արած լինել, իմ եղբոր տղան էնքան պրիլիչնի տղա է, որ նման բան չի կարող լինել։ Կարծես թե հեքիաթ պատմելիս լինեք, էդ տղեն զենքից վարվելու ձևը չգիտի, տենց բան չի կարող լինել, ուղղակի սա խայտառակություն է, մենք Էջմիածնում ընտրությունները չեղյալ ենք հայտարարում։ Եթե մեկը գնաց ընտրության, դա վերջն է լինելու»,- հավելել է նա։

Իսկ թե ինչու նման իրավիճակ ստեղծվեց Էջմիածնում, Հրաչիկ Աբգարյանը ասել է. «Իրենք սովորել են ամբողջ կյանքում շակալի պես ապրել, դրանք իրենց զզվելի վարքագիծը պիտի մի տեղ ցույց տային»։

«Կրակոց չի եղել ընդհանրապես, իջել են 15-20 հոգով էդ մարդկանց ծեծել են։ Եղել եմ հիվանդանոցում, էնքան էին ծեծել Արթուրին, սպանել էին։ Դա տղու վարքագիծ չի, դա շակալի վարքագիծ ա, որի համար պետք է պատասխան տալ և ընտրությունները Էջմիածնում պետք է չեղյալ հայտարարվեն»:

Առավել մանրամասն՝ սկզբնաղբյուր կայքում