Ոչ պարենային ապրանքների շուկայում գրանցվել է 0.7% գնանկում

2016թ. օգոստոսին հուլիսի համեմատ ոչ պարենային ապրանքների շուկայում գրանցվել է 0.7% գնանկում, ինչի վրա իր անմիջական ազդեցությունն է թողել հագուստի և գործվածքի՝ 3.8%, կոշկեղենի՝ 1.5%, լվացող միջոցների՝ 1.4%, վառելիքի` 1.0%, այգեգործական ապրանքների 0.7% գնանկումը: Այս մասին տեղեկացնում են ազգային վիճակագրական ծառայությունից:

Գորգեղենի գները նշված ժամանակահատվածում նվազել են 0.5%-ով, դեղամիջոցներինը՝ 0.5%-ով, մշակույթի ապրանքներինը՝ 0.4%-ով, կենցաղային էլեկտրաապրանքներինը՝ 0.3%-ով, շինանյութերինը՝ 0.3%-ով, խոհանոցային սպասքինը՝ 0.2%-ով, տեքստիլեղենինը՝ 0.1%-ով:

2016թ. օգոստոսին հուլիսի համեմատ հանրապետությունում բենզինի գինը մնացել է անփոփոխ, իսկ դիզելային վառելիքինն աճել է 0.2%-ով: 2016թ. օգոստոսին 2015թ. օգոստոսի համեմատ բենզինի և դիզելային վառելիքի գները նվազել են համապատասխանաբար 11.8% և 19.6%-ով, իսկ 2015թ. դեկտեմբերի համեմատ` 9.2% և 17.7%-ով: