Երիտասարդ կանայք՝ հանուն խաղաղության. կայացավ Անահիտ Բայանդուրի անվան մրցանակաբաշխությունը (ֆոտո)

Սեպտեմբերի 8-ին տեղի ունեցավ «Դեմոկրատիան Այսօր» ՀԿ-ի «Երիտասարդ կանանց Կովկասի խաղաղության մրցանակ» 5-րդ մրցանակաբաշխությունը:

«Երիտասարդ կանանց Կովկասի խաղաղության մրցանակը» հիմնադրվել է խաղաղության կառուցման գործում երիտասարդ կանանց բացառիկ դերի և առաջնորդական կարողությունների, կոնֆլիկտների կանխարգելման գործում նրանց կարևորագույն դերի ճանաչման, ինչպես նաև մարդու իրավունքների վերականգնման պաշտպանության նպատակով: Մրցանակի ստեղծման գաղափարի հիմքում խաղաղության և մարդու իրավունքների հայտնի ակտիվիստ, Օլաֆ Պալմեի անվան Խաղաղության մրցանակակիր, մարդու իրավունքների պաշտպանության մեծ ջատագով և խաղաղարար Անահիտ Բայանդուրի (1931-2011) գործունեությունն է: «Դեմոկրատիան Այսօր» ՀԿ-ի «Երիտասարդ կանանց Կովկասի խաղաղության մրցանակը» կրում է Անահիտ Բայանդուրի անունը:

Պարգևի նպատակն է ճանաչել երիտասարդ խաղաղարարների ներդրումը խաղաղության կառուցման գործում, ինչպես նաև նրանց խրախուսել և աջակցել՝ դրանով իսկ նրանց հնարավորություն տալով զգալու պատասխանատվություն ոչ միայն իրենց համայնքների, այլև այն աշխարհի համար, որտեղ նրանք ապրում են:

Այս տարի «Երիտասարդ կանանց Կովկասի խաղաղության մրցանակին» արժանացան.

Ղաիդա Օդաթ (Սիրիա)
Խեդա Օմարխադիևա (Չեչնիա, ՌԴ)
էլիկո Բենդելիանի (Վրաստան)