Պատերազմը վերջացա՞վ, զինվորը մոռացվե՞ց. պատերազմած զինծառայողներին ԿԳՆ-ն զեղչեր չի տրամադրում
«Գիտելիքը դարձել է աշխարհի ամենահզոր զենքն ու գործիքը յուրաքանչյուր անհատի և հասարակության համար: Մենք նաև գիտենք, որ թե՛ դպրոցներում, թե՛ բուհերում ունենք խնդիրներ, որոնք լուծման կարիք ունեն: Այդ խնդիրները վերաբերում են հատկապես կրթության մակարդակին, որից մենք գոհ չենք:
Մեր խնդիրն է նաև լավ կրթությունը դարձնել մատչելի բոլորի համար: Ոչ մի երիտասարդ չպետք է կորցնի որակյալ կրթություն ստանալու հնարավորությունը ոչ վճարունակ լինելու պատճառով»: Այս մասին նշված է ՀՀ նախագահի Գիտելիքի օրվան նվիրված ուղերձում:
Իհարկե, Նախագահը լավն է ցանկանում, սակայն բոլորին է հայտնի, որ ուսման վարձը չվճարելու պատճառով բավականին ուսանողներ դուրս են մնացել բուհերից: Եվ երբ Հայաստանում ո′չ աշխատավարձ է բարձրացել, ո′չ կենսաթոշակ, բարձրացնում են ուսանողների կրթավճարները, ապա ո՞ւմ համար էր ուղերձ հղում Նախագահը:
Ինչպես հայտնի է, բուհերում, հատկապես՝ «էլիտար» ֆակուլտետներում, անվճար տեղերում մեծամասամբ սովորում են կրթությունից ու գիտությունից հեռու ուսանողները, քանի որ ընտանիքները միջոցներ ունեն, ապա նրանց զավակները սովորում են անվճար համակարգում. դա կարող է լինել հայտնի երգչուհի, կարող է լինել ինչ-որ որևէ պաշտոնյայի վարորդի դուստր կամ որդի, ովքեր ոչ դասի են գնում, ոչ էլ քննություն են հանձնում: Իսկ վճարովի համակարգում սովորելու համար գումարներ են անհրաժեշտ: Սա խնդրի մի կողմը:
Կա նաև մյուս կողմը: Այս տարի տարբեր բուհերի ադմինիստրացիաներ միևնույն հրահանգն են տվել ուսանողներին՝ ուսման վարձավճարի վերջնաժամկետը սեպտեմբերի 1-ն է։
Սովորաբար, ուսման վարձը վճարելու վերջնաժամկետը սահմանվում սեպտեմբերի 15-18-ը, սակայն այս տարի ուսանողներին պարտավորեցրել են վճարումներն անել հենց սեպտեմբերի 1-ին։ Այն ուսանողները, որոնք չեն վճարել՝ չեն կարող մասնակցել դասապրոցեսին։
Կա նաև երրորդ կողմը:
Հիշեցնենք, որ ապրիլյան պատերազմից հետո խոսվում էր, որ հնարավոր է՝ այն զինծառայողները, ովքեր մասնակցել են մարտական գործողություններին, նրանց բուհական վարձավճարը 100 տոկոսով զեղչվի:
Սակայն այս օրերին բուհերից պատասխանում են, որ Կրթության և գիտության նախարարությունը դեռևս գրավոր տեղեկություն չի տրամադրել զինծառայությունից զորացրված ուսանողների վճարների զեղչերի մասին և չեն կարող զեղչի մասին հստակ ոչինչ ասել, չեն կարող: Չի բացառվում, որ ապրիլյան պատերազմ անցած զինվորները վճարեն ողջ վարձավճարը:
Ինչքանո՞վ է ճիշտ՝ ամիսներ շարունակ ասել, թե ապրիլյան պատերազմ անցած ուսանող-զինծառայողներին զեղչեր կտրամադրվեն և սեպտեմբերի 1-ին կանգնեցնել նման փաստի առա՞ջ:
Հավելենք նաև, որ NewsPress.am կայքին տված հարցազրույցում ԿԳՆ պատասխանատուներից մեկը վստահեցրել էր, որ անպատճառ զեղչեր կլինեն. Պաշտպանության նախարարության հետ քննարկվում է զեղչերի համակարգի հարցը:
Ինչպես երևում է՝ կա′մ չեն քննարկել, կա′մ չեն ցանկանում քննարկել: 18-20 տարեկան ուսանող-զինծառայողները մասնակցել են ապրիլյան պատերազմին, ողջ են մնացել և ոչի՞նչ: Նրանք արժանի չե՞ն անգամ վարձավճարի թեթևացման, չէ՞ որ նրանց ընտանքիները երկու տարի զինվոր են պահել, ապրիլը լացով են անցկացրել՝ սպասելով զանգի, իսկ որդիներն այդ ժամանակ սահման էին պահում, հիմա ոչի՞նչ, մոռացվե՞ց, այսքան շո՞ւտ, պատերազմը վերջացա՞վ…
Հ.Գ. Այս գիշեր սահմանին հակառակորդն ավելի քան 840 կրակոց է արձակել…
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
«Ում հետ նկարվել ես, թող նա էլ աշխատանք տա». Փաշինյանին են փոխանցվել քաղաքական ազատումների կոնկրետ ա...
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Ինչպես է Փաշինյանը ժրաջանորեն փայլեցնում իր կոշիկները (տեսանյութ)
Հայտնի բժիշկ-սրտաբանի մոտ հայտնաբերվել է մարիխnւանա
Հակակոռուպցիոն կոմիտեն մանրամասնել է` ինչու են ձերբակալվել «Ուժեղ Հայաստանի» թեկնածուն ու համակիրներ...
