«Սասնա ծռերի» կողմից պատանդ վերցված փոխոստիկանապետի ունեցվածքը

ՀՀ ոստիկանության պետի տեղակալ Վարդան Եղիազարյանը Բարձրաստիճան պաշտոնատար անձանց էթիկայի հանձնաժողով է ներկայացրել 2015 թվականի իր եկամուտների, ունեցվածքի հայտարարագիրը, ըստ որի՝ փոխոստիկանապետը բազմաբնակարան շենքում երկու բնակարան է գնել, որոնցից մեկի համար վճարել է ավելի քան 27 միլիոն դրամ:

Փոխոստիկանապետը նախորդ տարվա սկզբում հայտարարագրել է 2.1 միլիոն դրամ, 2.5 հազար ԱՄՆ դոլար, 3.1 հազար եվրո, որոնք տարվա վերջում դարձել են համապատասխանաբար՝ 1.85 միլիոն դրամ, 3.15 դոլար, 4.3 հազար եվրո:

Նախորդ տարի Վարդան Եղիազարյանը եկամուտ է ստացել աշխատավարձից և նվիրատվությունից: Աշխատավարձը կազմել է 5 մլն դրամ: Նա 27.3 միլիոն դրամի համարժեք բնամթերքի տեսքով նվեր է ստացել: Այս դեպքում ևս չի նշվում, թե բնամթերքը կոնկրետ ինչ է եղել: Եղիազարյանի կինը՝ Կարինե Միրզոյանը, նախորդ տարի հայտարարագրել է 2.2 միլիոն դրամ, 3 հազար ԱՄն դոլար և 3.8 հազար եվրո: Վերջինս եկամուտ է ստացել բացառապես աշխատավարձից, որը ողջ տարվա համար կազմել է 1.8 միլիոն դրամ:

Ի դեպ, փոխոստիկանապետ Վարդան Եղիազարյանը ՊՊԾ գնդում պատանդ վերցված ոստիկաններից մեկն էր: