Սխալ որոշումների համար ինչ-որ մեկը պիտի պատասխան տա՞, թե՞ ոչ
ՀՀ կառավարությունն Արդարադատության նախարարությանը 18.255 հազար եվրոյին համարժեք դրամ հատկացրեց Մարդու իրավունքների եվրոպական դատարանում «Սիմոնյանն ընդդեմ Հայաստանի» գործով արդարացի փոխհատուցման համար: Նշված գործով Մարդու իրավունքների եվրոպական դատարանի վճռով սահմանված հատուցման գումարի վճարման վերջնաժամկետը 2016 թվականի հոկտեմբերի 7-ն է:
Գործը վերաբերում է 223.9 քմ մակերեսով տան և 770.3 քմ մակերեսով հողակտորի սեփականության իրավունքին: Վարչապետն այս որոշումը հաստատելուց առաջ Ֆինանսների նախարարին հանձնարարեց գույքագրել, թե ՄԻԵԴ-ի վճիռներով որքան գումար է հատկացվել 2014, 2015 և 2016 թվականի 6 ամսվա ընթացքում:
«Ընդհանրապես էդ սխալ որոշումների համար ինչ-որ մեկը պիտի պատասխան տա՞, թե՞ ոչ: Հարկավոր է գույքագրել, մի հատ հասկանալ էդ հարցն ավելի մանրամասն: Թող արդարադատության նախարարությունն էլ քննարկի»,- հայտարարեց Հովիկ Աբրահամյանը:
Հիշեցնենք, որ դեռ տարեսկզբին Արդարադատության նախարարը, անդրադառնալով ՄԻԵԴ վճիռներին՝ նշել էր, որ Հայաստանը վատթարագույն վիճակում չէ Մարդու իրավունքների եվրոպական դատարանի կողմից երկրի դեմ կայացրած վճիռների քանակով, ավելին՝ Արփինե Հովհաննիսյանը վստահեցրել էր, որ Հայաստանի դեմ ցանկացած որոշումից հետո վերլուծություններ են իրականացվում՝ հասկանալու համար, թե որտեղ են եղել բացթողումները:
«Եթե կան օրենսդրական բացեր, իրականացվում են համապատասխան բարեփոխումներ: Ընդհանրապես, ես կարծում եմ, որ Մարդու իրավունքների եվրոպական դատարանի ցանկացած որոշում սկզբունքորեն հիմք է, որպեսզի վերլուծվի, թե որտեղ են եղել բացթողումները: Դրա համար յուրաքանչյուր հստակ գործով մենք պիտի քայլերի հաջորդականություն ունենանք՝ ինչ է պետք անել ու ինչպես անել»,- ասել էր Արդարադատության նախարարը:
Փաստորեն, քայլեր ձեռնարկելու փոխարեն ՀՀ-ն շարունակում է իր աղքատիկ բյուջեից փակել ապաշնորհ դատավորների ծախսերը: Եվ հասկանալի չէ նույնիսկ, որ եթե ֆինանսների նախարարը հաշվի ու ներկայացնի այն ողջ փոխհատուցման գումարի չափը, ինչ է փոխվելու դրանից:
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
Վանդալիզմ Գյումրիում․ անհայտ անձինք «Մայր Հայաստան» հուշահամալիրի ոսկեգույն տառերը պոկել, նետել են ա...
