Պատգամավորներ՝ բըռռռռռռ

Ո՞րն է հայ պատգամավորների բնորոշումը. աշխատասիրությո՞ւնը, թե՞ ժրաջանությունը, վարք ու բա՞րքը, թե՞ բարեկրթությունը, կրթական ցե՞նզը, թե՞ դաստիարակությունը:

Քանի որ այս բնորոշումներից որևէ մեկի մեջ դժվարանում ենք գտնել հայ պատգամավորներին, ասենք, որ այդ բնորոշումներից որևէ մեկը հայ պատգամավորներին տիպիկ չէ:

Քաղաքականապես հասուն գործիչը կհասկանա, որ Երևանում վերջին 10-15 օրում կատարվող իրադարձություններին ազգընտիրները պետք է որևէ կերպ արձագանքեն, գոնե՝ բըռռռռռռ…:

Եթե մոնիթորինգ անենք, ապա պատգամավորները յուրաքանչյուր շաբաթ ասուլիսներ են տալիս ու բոլորը ՀՀԿ-ական միակարծիք տեսակետներ են արտահայտում, սակայն այս օրերին իջել են ջրի հատակը՝ չխեղդվեն:

Եվ միայն 131 պատգամավորից Նիկոլ Փաշինյանը ձկնորսի դերում է, անընդհատ փորձում է սիրուն, թմբլիկ որդ ցույց տալ. դե′, պարոնայք, դուրս եկեք ջրի հատակից, ձեզ համով որդ կտամ: Այդպես էլ հատակի ձկները չարձագանքեցին Փաշինյանի չաղլիկ որդին: Երևի կուշտ որդ էին կերել նախապես ու մի երկու ամսով անցել ջրի հատակը:

Այնպես որ՝ Էրեբունու դեպքերը պետք է լուծել առանց խորհրդարանի, քանի որ անխորհրդարան ենք մնացել և անպատգամավոր:
Հիշեցնենք, որ ԱԺ պատգամավոր Նիկոլ Փաշինյանը նախօրեին փորձում էր 44 ստորագրություն հավաքել, որպեսզի հրավիրվի ազգային ժողովի արտահերթ նիստ՝ քննարկելու Էրեբունու ՊՊԾ-ում տեղի ունեցող իրադարձությունները և նրա շուրջ խմորումները, սակայն հավաքվել էր ընդամենը 19 ստորագրություն:

Newspress.am