«Հրեշտակուհին»…

Երեկ համացանցում հայտնվեց տեսանյութ, որում ոստիկանության կին «հրեշտակներից» մեկը կոպտորեն հրում, քաշում, մի խոսքով՝ բռնություն էր գործադրում երկու կանանց նկատմամբ, ովքեր փաստաթուղթ չունեին, սակայն Խորենացի փողոցում էին:

Կանանցից մեկը, ում հրավիրում էին, ավելի ճիշտ ստիպում էին տանել «անձը ճշտելու», ասում էր, որ ինքն արյան ճնշման խնդիր ունի և իրեն բուժօգնություն է հարկավոր, սակայն նրան համոզում էին գնալ շտապօգնության մոտ՝ այլ տեղ: Ու մինչ մի քանի հրեշտակներ «բանակցում էին» տիկնոջ հետ, այդ ընթացում մեկ այլ «հրեշտակուհի» բռնի ուժով բերման էր ենթարկում առնվազն իր տատիկ տարիքի կնոջը:

Այսօր արդեն Վլադիմիր Գասպարյանի ենթակայության տակ «գործող» «հրեշտակուհին» համացանցի հիթ է դարձել, իհարկե ենթարկվելով սուր քննադատությունների: Բանն այն է, որ պարզվել է, որ «հրեշտակուհին» ո′չ ավել, ո′չ պակաս գիշերային ակումբի պարուհի է եղել: Իսկ թե ինչպես է արդեն հայտնի դարձած Մագան,  նույն ինքը՝ Մարգարիտա Կարապետյանը, հայտնվել «համազգեստի մեջ», առայժմ հայտնի չէ:

Ոստիկանապետը հաճախ է խոսում համազգեստի միջից վհուկներին հանելու մասին, իսկ գուցե ճիշտ ժամանա՞կն է խոսքը գործ դարձնելու համար…