Հորս մահը շատ բան փոխեց իմ կյանքում՝ արագ հասունացա. Հենրիխ Մխիթարյան

Հայրս իմ ներշնչանքն էր, մոտիվացիայիս աղբյուրը: Երբ երեխա էի, հայրս ֆուտբոլ էր խաղում պրոֆեսիոնալ մակարդակով, իսկ ես երազում էի նրա հետ գնալ և հայտնվել մարզահրապարակում: Երբ ընտանիքով վերադարձանք Հայաստան, իմ երազանքն էր շարունակել նրա աշխատանքը, ֆուտբոլիստ դառնալ : Ցավում եմ, որ նա կողքիս չէ: Ինչևէ, սա կյանք է, և ամեն ինչ շարունակվում է: Հույս ունեմ՝ հայրս երկնքից տեսնում է, թե ինչպիսի աշխատանք եմ անում: Ամեն ինչ անում եմ, որ նա հպարտ լինի ինձնով: Այդ մասին The Telegraph պարբերականին տված հարցազրույցում ասել է Հայաստանի ազգային հավաքկանի ավագ և «Մանչեսթեր Յունայթեդի» կիսապաշտպան Հենրիխ Մխիթարյանը՝ խոսելով հոր՝ Համլետ Մխիթարյանի մասին:

Մեր հավաքականի ավագն ասել է, որ շատ կցանկանար՝ հայրը տեսներ, թե ինչպիսի խաղ է ինքը ցուցադրում: Մխիթարյանը նշել է նաև, որ մշտապես դիտել է հոր մասնակցությամբ խաղերը, սակայն այժմ ֆուտբոլում շատ բաներ են փոխվել:

«Հիմա ես դիտում եմ նրա մասնակցությամբ խաղերը միայն այն բանի համար, որպեսզի հիշեմ՝ նա ինչպես է խաղացել: Ավաղ կյանքն է այսպիսին: Նա ինձ շատ կօգներ՝ ավելի լավը դառնալու հարցում»,- ասել է Մխիթարյանը:

Հասկանում եմ, որ հորս մահը շատ բան փոխեց իմ կյանքում, իմ մտքում: Ես ավելի արագ հասունացա: Մյուս կողմից՝ անչափ դժվար է մեծանալ առանց հոր ներկայության, քանի որ ընտանիքում չկա տղամարդ, ով կկարողանար դաստիարակել քեզ: Մայրս ինձ համար և′ հայ, և′ մայր: Շնորհակալ եմ այն մարդկանց, ովքեր մշտապես կողքիս են»,- ասել է կիսապաշպանը: