Ամոթ չէ՞. Զախարովան հերքում է լուրերը, թե Մոսկվան փորձում է ԼՂ հակամարտության կարգավորման հարցում ներգրավել Թուրքիային

ՌԴ ԱԳՆ պաշտոնական ներկայացուցիչ Մարիա Զախարովան ֆեյսբուքյան իր էջում անդրադարձել է մամուլում հրապարակված այն տեղեկություններին, թե Մոսկվան փորձում է Ղարաբաղյան հակամարտության կարգավորման գործում ներգրավել Անկարային:

«Ես ոչ մի կերպ չեմ կարող հասկանալ Հայաստանի և Ադրբեջանի (իհարկե ոչ բոլոր) որոշ լրագրողների: Դուք ուզում եք երկարաձգե՞լ հակամարտությունը, կամ սրե՞լ այն` ձեր ճաշակով նորություններ հորինելով: Վտանգավոր զբաղմունք է:

Սկզբում լրագրողներն այնպիսի հարց տվեցին` Ադրբեջանում, Հայաստանում, Թուրքիայում իրավիճակի վերաբերյալ այնպես, որ դա ոչ թե հարցի էր նման, այլ քաղաքական մանիֆեստի: Սստիպված եղա ընդհատել այդ մենախոսությունը: Հետո ուրիշ լրագրողներ իմ պատասխանից սկսեցին ձևավորել սենսացիա, իբր թե Մոսկվան ցանկություն ունի Լեռնային Ղարաբաղի հակամարտության մեջ ընդգրկել նաև Անկարային:

Ամոթ չէ՞: Այնպիսի պահի, երբ իրոք հնարավորություն կա առաջընթացի հասնել: Ինչո՞ւ եք այդպես անում: Մի՞թե այդքան տարիները և այդքան զոհերն փաստարկներ չե՞ն ավելի պատասխանատու մոտեցման օգտին:

Նրանց համար, ովքեր փորձում են ապատեղեկատվություն տարածել կամ ապակայունացնել իրավիճակը ԼՂ հակամարտության կարգավորման համար` նորություններ հորինելով, կրկնում եմ ևս մեկ անգամ: Կան միջազգային գործող մեխանիզմներ, որոնք կոչված են զբաղվելու ղարաբաղյան հարցով, մասնավորապես ԵԱՀԿ Մինսկի խումբը:  Ընդ որում` ոչ ոք երկկողմանի շփումները չի արգելել, որի շրջանակում յուրաքանչյուր կողմը կարող է իր ներքին և արտաքին քաղաքականության հարցերը քննարկել: Հարցն այն է, թե որքանով կառուցողական նշանակություն ունեն այն երկրները, որոնք կարգավորման կողմ չեն հանդիսանում, սակայն փորձում են մասնակցել կոնֆլիկտի կարգավորմանը: Մեծ խնդրանք` մի տրվեք սադրանքներին, այդ թվում` տեղեկատվական»,- գրել է Զախարովան: