Կառավարությունը հոգեդարձի նիստ է անում

Հուլիսի 21-ին նախատեսված է կառավարության հերթական նիստը, սակայն այս անգամ, որքան էլ զարմանալի էր, մինչև մի քանի ժամ առաջ հայտնի չէր, թե ինչ հարցեր են քննարկելու, քանի որ նիստի օրակարգ չկար:

Ինչո՞ւ, չէ՞ որ միշտ էլ օրեր առաջ էր պատրաստ լինում կառավարության նիստի օրակարգը, մինչ այդ հարցերը քննարկվում էին նախարարական կոմիտեում, վարչապետի կողմից տրվում էին հանձնարարականներ, նախարարները, տեղակալները մինչ կառավարության նիստը քննարկում էին հարցերը, որպեսզի անցանկալի միջադեպեր չգրանցվեն:

Ինչպես երևում է, կառավարությունում այս օրերին չէին էլ մտածում օրակարգի մասին, չար լեզուներն ասում են, որ կառավարությունը «վեշ-մեշոկը» հավաքել էր, արդեն վաճառել էր Մոնումենտի շքեղ առանձնատները, և մեկնել Վայոց ձոր՝ վերջին ուխտագնացության:

Կարճ ասած՝ կառավարությունը զենքերը հանձնել էր, և չնայած զենքն էլ զենք չէր, հրաման ու որոշում և անցնել սահմանը:

Վերջին վայրկյանին, սակայն, սարիթաղեցիները կյանք են բաշխել կառավարությանը. վերջիններս ուշքի գալով էլ՝ որոշել են դարձյալ նիստ անել: Այս անգամ ոչ թե նիստ օրակարգային, այլ նիստ՝ հոգեդարձի:

Այս օրերին անգամ ճանճերն ու մոծակներն էին լքել կառավարության շենքը, խեղճ միջատներին զարմացրել էր անսովոր լռությունը, նստելու տեղ էլ չկար. կառավարությունում կապույտ-կապույտ էր:

Կարճ ասած՝ կառավարության պահակը զանգել է Վայոց ձորի ուխտավորներին և ավետել՝ հետ եկեք:

Հայոց դժբախտության ողջ պատասխանատվությունն ընկնում է կառավարության պահակի ուսերին, քանի որ հազիվ անկառավարություն էինք մնացել:

Newspress.am