Էլ ինչո՞ւ էր պետք հետ-հետ պարելն ու չուխան կեղտոտելը. Լարիսա Ալավերդյանը` Արցախի մասին

Արտաքին և ներքին քաղաքական զարգացումներ: Դիտարկումներ նախագահների փարիզյան հանդիպմանն ընդառաջ. բանակցային գործընթաց և հակամարտության կարգավորման հեռանկար: Կոռուպցիայի և մենաշնորհների դեմ պայքարի մասին վարչապետի ելույթից երկու ամիս անց. խո՞սք, թե՞ գործ: «Անդրադարձ» մամուլի ակումբում այս հարցերին անդրադարձավ «Ընդդեմ իրավական կամայականության» ՀԿ գործադիր տնօրեն Լարիսա Ալավերդյանը:

«Ինչ վերաբերում է Փարիզին` այստեղ, եթե մենք տողատակերը նայենք, կտեսնենք 2 բան՝ առաջինը Ֆրանսիայի ներկայացուցիչ, ով իր վրա չի վերցնում կտրուկ հայտարարություններ անելը: Երկրորդ` ով ինչ է հասկանում ստատուս-քվո ասելով: Ես այդ հարցը տվել եմ բոլոր միջազգային մասնագետներին, ո՞րն է դա, որ Սովետական միությո՞ւն պետք է լինի: Պետք է հասկանաս` ինչի ես ուզում հասնել: Բոլորը համաձայնել են շատ արագ, որ Սովետական միություն չկա, և չկան սահմանները, բայց պնդում են, որ բոլոր սահմանները պետք է լինեն նույնը: Չի կարող այդպես լինել»,- նշեց Ալավերդյանը:

Ըստ բանախոսի` Արցախի խնդիրն առաջացել է նրանից, որ անօրինական ձևով դա բռնակցված էր Ադրբեջանին, բոլոր խնդիրները գալիս են դրանից:

«Ադրբեջանում լուրջ քաղաքագետները նույնպես կասկածի տակ են դնում ստատուս-քվոն»,- ասաց Լարիսա Ալավերդյանը:

Ավելին` բանախոսը կարծում է, որ եթե այսօր խոսվում է զիջումների մասին, ապա պետք է հետ բերել Լևոն Տեր-Պետրոսյանին. «Էլ ինչո՞ւ էր պետք հետ-հետ պարելն ու չուխան կեղտոտելը»:

Մանրամասները՝ տեսանյութում: