«Ռեֆորմիստների» «Քեզ համար, Հայաստան» կարգախոսը՝ քեզ համար, ՀՀԿ

Ցանկացած երկրի ներքաղաքական դաշտում կարող են գոյություն ունենալ ընդդիմության տարբեր բևեռներ, ընդդիմադիր դաշտում հայտնված տարբեր կուսակցություններ, որոնք միմյանց հետ չհամագործակցելով՝ յուրաքանչյուրն իր հերթին, կարող է պայքարել իշխանության հասնելու համար:

Բայց Վահան Բաբայանի հիմնած «Ռեֆորմիստները» չլսված ու չտեսնված «հեղափոխական» գործելակերպով են մուտք գործում քաղաքական արենա. իշխանություն չեն, բայց իրենց համարում են իշխանության գաղափարակիցն ու ծրագրերի աջակիցը, կամ այլ կերպ ասած՝ իշխանության այլընտրանքն են, բայց անվտանգ, հպատակ են, բայց միաժամանակ` հավակնոտ, ռեֆորմիստ են՝ միայն անվամբ:

Չեն պայքարելու իշխանափոխության համար, դա իրենց սկզբունքը չէ, բայց մարտնչելու են, որ իշխանության ողորմածությամբ, տեղ գտնեն իշխանության շարքերում:

Իսկապես, սա Հայաստանի քաղաքական կյանքում նոր ձեռագիր ու նոր խոսք է, ինչի վառ արտահայտումն է նաև «Ռեֆորմիստների» կողմից ՀՀԿ նախընտրական՝ «Քեզ համար, Հայաստան» կարգախոսով առաջ շարժվելը:

Կարգախոսի ընտրության հարցում «Ռեֆորմիստները» փոքր-ինչ շտապել են, ամեն ինչ ավելի արագ կընկներ իր տեղը, եթե օրինակ՝ իրերն իրենց անունով կոչեին ու այդ տրամաբանությամբ «Ռեֆորմիստներն» առաջ շարժվեին՝ «Քեզ համար, ՀՀԿ» կարգախոսով:

Newspress.am