5000 դրամը մանրելը սպանության պատճառ է դարձել. Վանաձորում կատարվածի մանրամասները (տեսանյութ)

Վանաձորում վեճ էր ծագել Թումանյան  փողոցում գտնվող ծաղկի սրահի փաստացի սեփականատեր, Վանաձորի 30-ամյա բնակիչ, անհատ ձեռնարկատեր Արմեն Ոփյանի և իր շրջապատում «Կաֆոյի Ռոբոյի» անունով հայտնի Ռոբերտ Մարտիրոսյանի միջև:

Պատճառն ավելի քան չնչին էր, հետևանքը՝ ավելի քան անհամարժեք: Ծաղկի սրահում 5000 դրամանոցը 3-րդ անձի միջոցով մանրելուց հետո կողմերից մեկը պնդում է, թե վերադարձրել է 4 հատ հազարանոց: Մյուսը խնդում է, որ նման թյուրիմացություն հնարավոր չէ: Ֆինանսական խնդիրը դառնում է ինքնասիրության հարց, զիջելը՝ պատվազրկություն:

«Ընդլայնված կազմով» պարզաբանումները շարունակվում են Վանաձորի Մայմեխի խճուղուն հարակից հանդամասում, որտեղ էլ Արմեն Ոփյանը հրազենային մարմնական վնասվածք է պատճառում Բաց բաժնետիրական ընկերություններից մեկի ֆինանսական տնօրեն, 55-ամյա Արմեն Մնացականյանին, ու նա տեղում մահանում է: Արմեն Ոփյանը դիմում է փախուստի:

Հանդամասում զննությամբ հայտնաբերվել է «Մակարով» ատրճանակի կրակված երեք պարկուճ: Հարուցվել է քրեկան գործ: Արմեն Ոփյանի նկատմամբ հայտարարվել է հետախուզում:

Մանրամասները՝ ոստիկանության տեսանյութում