Քեզ ո՞վ ծեծեց, Աշոտյան ջան

Օրեր առաջ ծեծել էին ՀՀ կրթության և գիտության երկարամյա նախարար Արմեն Աշոտյանին: Գուցե արտառոց չլիներ ծեծը, եթե Հայաստանում տեղի ունեցած լիներ, սակայն հանրության զարմանքը հարուցեց այն, որ Աշոտյանին ծեծել էին Բելգիայում:

Հետո լուրեր տարածվեցին, որ Աշոտյանը Գագիկ Ծառուկյանին հրահանգով է ծեծի ենթարկվել:

Պարզաբանում ստանալու համար Newspress.am-ը փորձեց կապ հաստատել Գագիկ Ծառուկյանի մամուլի պատասխանատու Իվետա Տոնոյանին հետ, բայց ապարդյուն:

Ինչո՞ւ էր պետք Գագիկ Ծառուկյանին Բելգիայում ծեծել դեռևս այս տարվա հունվարին ոտքի կոտրվածք ստացած Աշոտյանին: Խնդիրը պարզ է. մոտ տարիուկես առաջ էր, երբ ՀՀ նախագահ Սերժ Սարգսյանը՝ զարմացնելով հանրությանը, իր կուսակիցներին «Դոդ» մականունը շրջանառելու թույլտվություն տվեց ՀՀԿ ԳՄ նիստի ժամանակ:

Երբ ՀՀ նախագահը Գագիկ Ծառուկյանին «Դոդ» մականվան թույլտվություն տվեց կուսակիցներին, այն ժամանակվա Կրթության և գիտության նախարար Արմեն Աշոտյանը որոշեց, որ որպես ծանր քաշային և ՀՀԿ փոխնախագահ` կարող է ՀՀ նախագահի հետ ոտք մեկնել և Գագիկ Ծառուկյանին «Դոդ» անվանեց: Դրանից հետո մամուլում սկսեց շրջանառվել, որ Ծառուկյանը նրան չի ների և մի օր Աշոտյանին ծեծելու են: Աշոտյանի հետ ծեծի դեպքը տեղի ունեցավ Բելգիայում:

Newspress.am-ը ծեծի առումով փորձեց պարզաբանում ստանալ նաև հանրապետականից: Կուսակցությունից ասացին, որ այդ հարցին իրավասու է պատասխանելու Էդուարդ Շարմազանովը, նրանից ևս պատասխան ստանալ չհաջողվեց: Հարցում ուղարկեցինք Արմեն Աշոտյանին. պատասխանը կարճ էր. «Այդ մասին ոչինչ չեմ ուզում խոսել»:

Գուցե Աշոտյանը հասկանում է, որ եթե կա քարեր նետելու ժամանակը, կա նաև քարեր հավաքելու ժամանակը: Թեթև քաշային Աշոտյանի հաղթանակը ռինգում նվազագույն է ծանր քաշային Ծառուկյանից:

Հնարավոր է` Գագիկ Ծառուկյանը կուլ չի տվել Արմեն Աշոտյանի «Դոդ» որակումները: Չի բացառվում, որ Բելգիայում Աշոտյանի ծեծը նախերգանք է և այն շարունակական է լինելու: Ամեն դեպքում այս թեզը շրջանառվում է տարբեր հարթություններում: