«Իրավունք». «Տո, լավ ենք արել». Վարդան և Սպարտակ Ղուկասյանները՝ կրկին սկանդալի կիզակետում

«Իրավունք» թերթը գրում է.

«Տո, եթե արել ենք, լավ ենք արել: Ինչի, Դուք չգիտե՞ք, որ մարդուն դիահերձելը հակաքրիստոնեական քայլ է: Զարմանում եմ, դրա համար բոլորդ մեր հետևի՞ց եք ընկել: Էս երկիրը ուրիշ խնդիր չունի՞: Մարդն ուզում է, դիահերձում են, չի ուզում՝ չեն դիահերձում, ինչ կա դրա մեջ: Լավ ենք արել, եթե չենք թողել»: Մեզ հետ զրույցում այսկերպ արձագանքեց Գյումրիի նախկին քաղաքապետ Վարդան Ղուկասյանը՝ անդրադառնալով լրատվամիջոցների այն հրապարակումներին, թե նա և իր որդին՝ Սպարտակ Ղուկասյանը չեն թողել դիահերձեն իրենց մահացած հարևաններից մեկի դին:

Եվ որ այդ պատճառով էլ կրտսեր Ղուկասյանը հրավիրվել է բաժին ու հաստատել, որ, այո, իրենք թույլ չեն տվել դիահերձում իրականացնել:

Ինչ վերաբերում է Սպարտակ Ղուկասյանին բաժին հրավիրելուն, նախկին քաղաքապետը բարձր տոնով ասաց. «Երկիրը տեղից փախել է, դուք ընկել քրքրում եք, թե Ղուկասյաններն ինչ արեցին, ոնց արեցին, ամոթ է, ամոթ…»:

Մանրամասները՝ թերթի այսօրվա համարում