«ՉԻ». Հայաստանում մարդիկ են գտնվել, որ ասել են՝ ՀՀԿ-ն ընդդիմություն է

«Չորրորդ իշխանությունը» գրում է.

«Երբ Սերժ Սարգսյանը հայտարարեց, որ ՀՀԿ-ն հաղթելու է առաջիկա խորհրդարանական ընտրություններում, ու ինքն էլ ոչ մի տեղ չի հեռանալու, Հայաստանում որևէ մեկը ոչ առանձնապես զարմացավ, ոչ էլ վրդովվեց։ Որովհետև որևէ մեկը չէր էլ հավատացել Սերժ Սարգսյանի՝ ավելի վաղ հնչեցրած այն հայտարարությանը, թե սահմանադրական փոփոխություններից հետո ինքը որևէ պաշտոնի չի հավակնելու։ Եվ դա միանգամայն հասկանալի է։ Եթե կրկեսի արենայում աճպարարը շլյապայի մեջ թաշկինակ է գցում ու հետո շլյապայից ճագար հանում, ոչ մեկը չի զարմանում (չէ՞ որ նախապես գիտեն՝ իրենց առջև աճպարար է), իսկ եթե շլյապայից նույն թաշկինակը հաներ՝ կզարմանային։

Բայց հարց է ծա­գում՝ ինչպե՞ս է Սերժ Սարգսյանը պատ­րաստվում հաղթանակ ապահովել ՀՀԿ-ի համար։ Այն էլ՝ սոցիալ-տնտեսական այս աղետալի վիճակում, ապրիլյան պատերազմից հետո, երբ պարզ դարձավ, թե տարիներ շարունակ ին­չով են զբաղված եղել իշխա­նությունները՝ բանակը հզո­րացնելու փոխարեն։ Կար­ծում ենք՝ իշխանությունները մտադիր են «դասական մե­թոդներից» բացի (ընտրակեղծիքները նկատի ունենք), կիրառել նաև հասարակու­թյանը մոլորեցնելու մար­տավարությունը, ընդ որում՝ շատ ավելի մեծ մասշտաբներով (որովհետև Ընտրա­կան նոր օրենսգիրքը կարող է սահմանափակել «դասա­կան մեթոդների» կիրառման հնարավորությունները)։ Ընդ որում՝ այդ ուղղությամբ ձեռնարկված (և շարունակ­վող) քայլերը կարծես թե արդեն տալիս են իրենց պտուղները։

«Գելափ Ինթերնեյշնլ»-ի հայաստանյան ներկայա­ցուցչությունը մայիսին հե­տազոտություն է անցկացրել և պարզել, որ եթե խորհրդարանական ընտրու­թյունները տեղի ունենային առաջիկա կիրակի օրը, ամե­նաշատ ձայները կստանար ՀՀԿ-ն՝ 15,2 տոկոս, երկրորդ տեղը կզբաղեցներ ԲՀԿ-ն՝ 14,1 տոկոսով և այլն։ Բայց խնդիրն, իհարկե, այս թվերը չեն (բոլորս էլ հասկանում ենք, թե սովորաբար ինչպես են անցկացվում նման «հե­տազոտությունները»)։ Խն­դիրն այն է, որ մարդկանց նաև հարցրել են, թե իրենց կարծիքով՝ ո՞ր կուսակցու­թյունն է թունդ ընդդիմադիր, ո՞րը՝ ավելի մեղմ և այլն։ Ու շատ ծիծաղելի արդյունքներ են ստացվել։ Այնքան ծիծա­ղելի, որ հնարավոր չէ հաս­կանալ՝ թվեր հորինո՞ղն է քաղաքականությունից շատ հեռու եղել, թե՞ նա ոչ մի թիվ էլ չի հորինել, պարզապես հարցման մասնակիցների ուղեղներում է անհասկանա­լի շիլաշփոթ։

Օրինակ՝ ըստ այդ հարցումների «պարզվել է», որ ժողովուրդը նախարա­րական մի քանի պորտֆելներ ու մարզպետների պաշ­տոններ ունեցող Դաշնակ­ցությանը ավելի ընդդիմա­դիր է համարում, քան, ասենք, պաշտոնապես իշխանափոխության հայտ ներկայացրած «Համախմբում» կուսակցությանը, ասենք՝ «Ալյանս» կուսակցությունը ՀԺԿ-ից ավելի ընդդիմադիր է և այլն։ Ընդ որում՝ գտնվել են մարդիկ, ովքեր նույնիսկ ՀՀԿ-ն են համարել ընդդիմադիր կուսակցություն»։

Մանրամասները՝ թերթի այսօրվա համարում