Կաթնամթերքի շուկայում խառնաշփոթ է. ՍԱՊԾ-ն չի մեկնաբանում

Անվտանգ կաթնամթերքի շուկայի վերաբերյալ խոսակցություններն ամռանն ավելի են ակտիվանում, երևի պատճառն այն է, որ սկսում է պաղպաղակի ակտիվ վաճառքը, իսկ կաթնամթերքի մյուս տեսակների ռիսկայնությունը` շոգի հետ կապված, բարձրանում է:

Պաղպաղակի մեջ օգտագործվում է բուսայուղ, որն ինչպես ասում են` գաղտնիք չէ, հաճախ է պատահում, որ տարբեր պաղպաղակներ ունեն համային հատկանիշներն ունեն, գուցե պատճառն այն է, որ պաղպաղակների մեջ օգտագործվում է բուսայուղ և կաթի փոշի:

Շատ արտադրողներ պաղպաղակի բաղադրության մեջ օգտագործում են կաթի փոշի, կաթնային սպիտակուցներ, շաքարի փոխարինիչներ, անուշաբույր նյութեր, կայունացուցիչներ: Իսկ թե որքանով են այս նյութերն օգտակար օրգանիզմի համար, և ընդհանրապես ինչպես է կարգավորվում մարսողությունը, ո′չ ուսումնասիրում են, ո′չ էլ հետաքրքրվում:

Ի վերջո, անվտա՞նգ է արդյոք պաղպաղակը, և ի՞նչ չափով է ստուգվելու պաղպաղակի բաղադրությունը` չկարողացանք պարզել, քանի որ Սննդի անվտանգության պետական ծառայությունը դեռևս պաղպաղակի շուկան չի ուսումնասիրել:

Իսկ թե ի՞նչ բաղադրություն ունի պաղպաղակը, անվտանգ է, բուսայուղ կա՞, թե՞ ոչ, օգտագործվո՞ւմ է կաթի փոշի, ՍԱՊԾ-ից չցանկացան մեկնաբանել: Ինչևէ:

Նշենք, որ բուսայուղի առկայությունը, ինչպես նաև մակնշման խնդիրը ՍԱՊԾ-ի համար բավարար հիմք են` ապրանքը շուկայից դուրս բերելու ու լաբորատոր փորձաքննություն անցկացնելու համար:

Այժմ էլ և բուսայուղի և կաթի փոշու նախորդ տարիների պատմությունը կրկնվում է, սակայն ՍԱՊԾ-ն դեռևս չի շտապում ուսումնասիրել շուկան:

Ընդհանուր առմամբ, պաղպաղակի բաղադրության մեջ չպետք է լինի բուսայուղ, սակայն Հայաստանում օգտագործվում է, քանի որ այն ավելի էժան է, սակայն այս դեպքում պաղապաղակ կոչվածն արդեն պաղպաղակ չէ, որակն էլ ցածր է:

Երկրներ կան, որ փոքր երեխաների ճաշացանկի մեջ արգելվում է բուսայուղի օգտագործումը, և այն դեպքում, երբ փոքր երեխաները պաղպաղակի պարագայում հայտնվում են խոցելի վիճակում, ՍԱՊԾ-ն դաշտի ուսումնասիրությունը չի շտապում կատարել:

Պաղպաղակի պարագայում, ինչպես երևում է, ուտում ենք կասկածելի բաղադրությամբ պաղպաղակ, եթե չեն ուսումնասիրում համապատասխան կառույցները մթերքի որակը, ապա հայ արտադրողը բարեխղճությամբ չի փայլում, միևնույն է` ստուգող չկա:

Նույնը վերաբերում է պանրի, թթվասերի, կաթի և կաթնամթերքի այլ տեսակներին, ապա տարբեր խոսակցություններ են պտտվում, որ պանրի մեջ օգտագործվում է աղացած բրինձ, կաթը կաթի փոշին է, թթվասերի մեջ` սոդա և բուսայուղ, կաթի փոշի և այսպես շարունակ:
Կարճ ասած` Հայաստանի կաթնամթերքի շուկայում շիլա-շփոթ է:

Newspress.am