Վարդավառի տոնին ընդառաջ տատիկն ավանակով Սբ. Սարգսից կշարժվի մանկական այգի (տեսանյութ)

Հուլիսի 3-ին Հայ առաքելական եկեղեցին նշում է Հիսուս Քրիստոսի Պայծառակերպության տոնը` Վարդավառը: Տեր Պետրոս ավագ քահանա Մալյանն «Անդրադարձ» մամուլի ակումբում խոսեց տոնի նշանակության և կազմակերպման մասին:

«Այս տոնը մեր եկեղեցու 5 տաղավար տոներից մեկն է: Երբ Հիսուսն իր առաքյալների հետ գնում է աղոթելու Թաբոր լեռան վրա, նրա դեմքը պայծառակերպվում է: Հիսուսը բացահայտում է իր աստվածային փառքն ու զորությունը: Նա ոչ միայն երկնքի և երկրի տերն է, այլև կյանքի և մահվան: Այս տարի հուլիսի 3-ին ենք նշում Վարդավառը: Սուրբ պատարագ է մատուցվելու, բոլոր համայնքներում տարբեր միջոցառումներ ենք կազմակերպելու նվիրված Վարդավառի տոնին»:

Առաջնորդանիստ Սուրբ Սարգիս եկեղեցու հովիվ, ԱՀԹ երիտասարդաց միությունների ատենապետ Վահան Մարդյանն էլ իր հերթին հավելեց, որ տարբեր միջոցառումներ են անցկացվելու:

«Մենք ազգագրագետների հետ խորհրդակցեցինք և որոշեցինք վեր հանել այն բոլոր ազգային տոները, որոնք կապված են մեր ժողովրդի հետ: Ամսի 2-ից մենք մեր միության անդամների հետ միասին կփորձենք ժողովրդի համար կազմակերպել այդ տոները»,- ասաց ատենապետը:

Բանախոսները նշեցին, որ հիմնականում Սևանի ավազանի բնակչությունն է շատ լավ նշում. «Մատաղներ են անում, ուխտագնացություններ են անում: Տավուշում էլ են շատ լավ նշում»:

Մանրամասները` տեսանյութում