Հռոմի պապի այցին Անկարան կարձագանքի «տարած ետ բերած աղջկա նման». Լևոն Շիրինյան

«Հռոմի պապի այցը Հայաստան առաջին հերթին քաղաքակրթական նշանակություն ունի»,- Հռոմի Սրբազան Քահանայապետ Ֆրանցիսկոս պապի այցը Հայաստան Newspress.am-ի հետ զրույցում այսպես մեկնաբանեց քաղաքագետ Լևոն Շիրինյանը:

Նրա խոսքով` այս այցը Հայաստանի վրա է կենտրոնացրել ամբողջ կաթոլիկ աշխարհի ուշադրությունը, իսկ թե ինչպես կարձագանքի Անկարան, քաղաքագետը պատասխանեց. «Ինչպես իրենք սովոր են, մի 10 օր կապերը կխզեն, հետո… ժողովրդական խոսք կա, որ շատ լավ կբնութագրի Անկարայի արձագանքը` «տարած, հետ բերած աղջկա նման», սկզբից վրդովմունք կարտահայտի, հետո կսկսի հաշտվել կատարվածի հետ և բարելավել հարաբերությունները Վատիկանի հետ»:

«Նույն կերպ, գուցե ավելի վատ կարձագանքի նաև Ադրբեջանը»,- նշեց քաղաքագետը:

Հարցին, թե Հռոմի պապը սեպտեմբերին պետք է այցելի նաև Ադրբեջան, ինչու պետք վատ արձագանքի այդ երկիրը, Լևոն Շիրինյանն ասաց.

«Կայցելի, բայց ոչ առաջինը: Ֆրանցիսկոս պապի այցը մեր երկիր քաղաքակրթական և ռազմավարական որոշում է, իսկ դեպի Ադրբեջան քաղաքավարական»,- եզրափակեց քաղաքագետը: