Մեծ Բրիտանիան լքում է Եվրամիությունը

Brexit-ի կողմնակիցներն առաջ են անցել ԵՄ-ում Բրիտանիայի ճակատագրի հարցով հանրաքվեում ընտրատարածքների ավելի քան կեսից ստացված քվեների հաշվարկից հետո: Այս մասին հայտնում է ՌԻԱ «Նովոստի» գործակալությունը:

382 ընտրատարածքից 355-ի արդյունքների հաշվարկման տվյալներով՝ Brexit-ին կողմ է քվեարկել ընտրողների 51.8 տոկոսը, դեմ՝ 48.7 տոկոսը։ Հաշվարկը խոշոր քաղաքներում դեռևս շարունակվում է։

Ընտրողների մասնակցությունը քվեարկությանը կազմել է 72.1 տոկոս։ Դա 1997 թվականից հետո ամենաբարձր ցուցանիշն է:

Ուելսի մայրաքաղաք Քարդիֆը կողմ է քվեարկել Բրիտանիայի անդամակցության պահպանմանը՝ տալով 60 տոկոս ձայն։

Շոտլանդիայի մայրաքաղաք Էդինբուրգի բնակիչները ևս աջակցել են անդամակցության պահպանմանը. Brexit-ին դեմ է քվեարկել 74.4 տոկոս ընտրող։