Տարածաշրջանում մեկ շաբաթում 9 երկրաշարժ է գրանցվել

ՍՊԾ դիտացանցը հունիսի 15-ից մինչև 22-ն ընկած ժամանակահատվածում Հայաստանի Հանրապետության տարածքում 3 բալ և ավելի ուժգնությամբ երկրաշարժ չի գրանցել: Այս մասին տեղեկացրին «ՍՊԾ» գործակալությունից:

Տարածաշրջանում 3 բալ և ավելի ուժգնությամբ գրանցվել է 9 երկրաշարժ: Դրանցից երեքը տեղի են ունեցել հունիսի 17-ից մինչև 19-ը Իրանի Թավրիզ քաղաքից հյուսիս գտնվող տարածքում. մասնավորապես հունիսի 17-ին Թավրիզից 35 կմ դեպի հյուսիս-արևելք’ 3-4 բալ ուժգնությամբ (մագնիտուդ 2.7), հունիսի 18-ին Թավրիզից 6 կմ դեպի հյուսիս’ 4-5 բալ ուժգնությամբ (մագնիտուդ 3.6) և հունիսի 19-ին Թավրիզից 51 կմ դեպի հյուսիս-արևելք’ 4-5 բալ ուժգնությամբ (մագնիտուդ 3.4): Հունիսի 16-ին Վրաստան-Թուրքիա սահմանային գոտում գրանցված 3-4 բալ ուժգնությամբ (մագնիտուդ 2.7) ստորգետնյա ցնցման էպիկենտրոնը գտնվում էր Ախալքալաք քաղաքից 30 կմ դեպի հարավ-արևմուտք: Այդ օրը Թուրքիա-Վրաստան սահմանային գոտում՝ Արդահան քաղաքից 28 կմ դեպի հյուսիս-արևելք, տեղի է ունեցել 4 բալ ուժգնությամբ (մագնիտուդ 2.9) երկրաշարժ:

Հունիսի 17-ին Վրաստան-Ադրբեջան սահմանային գոտում գրանցվել է 4-5 բալ ուժգնությամբ (մագնիտուդ 3.5) երկրաշարժ’ Ծնորի քաղաքից 38 կմ դեպի հարավ: Հունիսի 19-ին Թուրքիայի Դողուբայազեթ քաղաքից 17 կմ դեպի հարավ-արևմուտք գտնվող էպիկենտրոնով ստորգետնյա ցնցման ուժգնությունն էր 3 բալ (մագնիտուդ 2.3): Նույն օրը Ադրբեջանի տարածքում տեղի ունեցած 4 բալ ուժգնությամ բ (մագնիտուդ 2.9) երկրաշարժի էպիկենտրոնը գտնվում էր Մինգեչաուր քաղաքից 29 կմ դեպի հարավ-արևելք: Հունիսի 22-ին Իրանի Խոյ քաղաքից 7 կմ դեպի հարավ-արևմուտք գրանցվել է երկրաշարժ, որի ուժգնությունն էպիկենտրոնում կազմել է 5-6 բալ (4.3 մագնիտուդ): Երկրաշարժը զգացվել է Նախիջևանում’ 3 բալ ուժգնությամբ:

Տարածաշրջանից դուրս 6.0 և ավելի մագնիտուդով գրանցվել է 4 երկրաշարժ: Հունիսի 19-ին Վանուատուի կղզիների տարածքում տեղի է ունեցել 6.3 մագնիտուդով սեյսմիկ իրադարձություն, որին հաջորդ օրը հետևել է 6.0 մագնիտուդով մյուս երկրաշարժը: Հունիսի 21-ին Հյուսիսային Միջատլանտյան լեռնաշղթայում գրանցվել է երկրաշարժ, որն ունեցել է 6.1 մագնիտուդ: Այդ օրը