Լիցենզավորման կենտրոնի անգործությունը` գյուղնախի քթի տակ

Հիշեցնենք, որ «Լիցենզավորման կենտրոն» գործակալությունը ստեղծվել է ՀՀ կառավարության 2010 թվականի դեկտեմբերի 23-ի N 1767-Ն որոշմամբ:

Գործակալության կողմից իրականացվում է անասնաբուժության բնագավառում օգտագործվող կենսապատրաստուկների արտադրության լիցենզավորումը, բույսերի պաշտպանության քիմիական և կենսաբանական միջոցների արտադրության և վաճառքի լիցենզավորումը: Անասնաբուժության բնագավառում օգտագործվող պատվաստանյութերի, շիճուկների և ախտորոշիչ միջոցների պետական գրանցման հավաստագրի տրամադրումը:

ՎՊ-ն պարզել է, որ ՀՀ-ում 01.01.2014-01.09.2015թթ.-ի ընթացքում բույսերի պաշտպանության քիմիական և կենսաբանական միջոցների արտադրության և վաճառքի լիցենզիա` տրվել է 36-ը:

Անասնաբուժության բնագավառում օգտագործվող կենսապատրաստուկների արտադրության լիցենզիա ընդհանրապես չի տրամադրվել:
ՀՀ անասնաբուժության բնագավառում օգտագործվող պատվաստանյութերի, շիճուկների և ախտորոշիչ միջոցների պետական գրանցման հավաստագիր է տրամադրվել 2014թ. ընթացքում թվով 37 հատ, իսկ 2015թ. սեպտեմբերի 1-ի դրությամբ՝ թվով 11 հատ:

Ուսումնասիրության ընթացքում պարզվեց, որ լիցենզավորված անձանց համար որպես պարտադիր պահանջ հաշվետվությունների ներկայացման որևէ կարգ սահմանված չէ:

Հիշեցնենք, որ ՀՀ գյուղատնտեսության նախարարության կողմից «Գյուղատնտեսական կենդանիների պատվաստում» ծրագիրն իրականացվում է երկու բաղադրիչներով՝ Կենսապատվաստուկների ձեռք բերում և Հակաանասնահամաճարակային միջոցառումների կազմակերպում: Ծրագրով պատվաստանյութերի ձեռքբերման և հակահամաճարակային միջոցառումների իրականացման համար 2014թ. նախատեսվել է 1,120,742.3հազ. դրամ, իսկ 2015թ.՝ 1,162,214.8 հազ. դրամ:

Բացի այն, որ իրականացված վերահսկողության ընթացքում բացահայտվել են դեպքեր, երբ համայնքների կողմից հաշվարկված անասնագլխաքանակի վերաբերյալ տեղեկատվությունը չի համապատասխանել տվյալ համայնքում փաստացի առկա անասնագլխաքանակի մասին տվյալներին:

Նաև իրականացված վերահսկողության ընթացքում բացահայտվել են դեպքեր, երբ համայնքների կողմից հաշվարկված անասնագլխաքանակի վերաբերյալ տեղեկատվությունը չի համապատասխանել տվյալ համայնքում փաստացի առկա անասնագլխաքանակի մասին տվյալներին:

Իսկ թե ինչի համար է ստեղծվել մի կառույց, որն էական դեր չի խաղում լիցենզիա տրամադրելու համար, հասկանալի չէ, քանի որ, ինչպես ՎՊ-ն է փաստել, անասնաբուժության բնագավառում օգտագործվող կենսապատրաստուկների արտադրության լիցենզիա ընդհանրապես չի տրամադրվել:

Գործակալության աշխատավարձի տարեկան ֆոնդը 2014թ.կազմել է 8,225.0հազ.դրամ, իսկ 2015թ. սեպտեմբերի 1-իդրությամբ 7,346.0 հազ. դրամ: Պարզվում է` մարդիկ պարզապես փող են աշխատել` ոչինչ չանելով` հենց գյուղնախի քթի տակ: