Ռուսաստանի և Հայաստանի հարաբերություններն ինտեգրացիոն գործընթացներում ինտենսիվորեն զարգանում են. Պուտին

Ռուսաստանի և Հայաստանի հարաբերություններն ինտեգրացիոն գործընթացներում ինտենսիվորեն զարգանում են: Այդ մասին հայտարարել է ՌԴ նախագահ Վլադիմիր Պուտինը ՀՀ նախագահ Սերժ Սարգսյանի հետ հանդիպման ժամանակ:

«Կարելի է նշել, որ ինտեգրացիոն գործընթացի շրջանակներում հարաբերություններն ինտենսիվորեն զարգանում են ավելին, քան նախկինում էր: Ուրախացնող է: Կա հնարավորություն և անհրաժեշտություն խոսել այն մասին, թե ինչպես պետք է գործենք հետագայում: Այժմ Հայաստանը գլխավորում է ՀԱՊԿ-ն, և աշնանը կկայանա բարձր մակարդակի հանդիպում»,- ասել է Պուտինը:

Սարգսյանն իր հերթին ընդգծել է, որ նմանատիպ հանդիպում կարող է կայանալ հոկտեմբերին:

«Այնպես որ` այդ մասին նույնպես կխոսենք»,- ընդգծել է Պուտինն ու շնորհակալություն հայտնել Սարգսյանին` Ռուսաստան այցի համար: Ողջունելով իր պաշտոնակցին` Պուտինը նշել է երկու երկրի միջև ապրանքաշրջանառության ավելացումը: Նրա խոսքով` լավ ցուցանիշներ են գրացնվում գյուղատնտեսական արտադրանքում:

Չնայած մեր երկրում մասնավորապես և աշխարհում ընդհանրապես բոլոր դժվարություններին մենք արձանագրում են ապրանքաշրջանառության աճ: Պարզապես կարելի է ասել, որ հայկական կողմից աճել են գյուղատնտեսական ապրանքների մատակարարումները: Դա մեզ ուրախացնում է: Հույս ունեմ` այս միտումը կամրապնդվի շրջանառության ամբողջ շուկայի համար և մեզ համար զգայուն ապրանքների խմբի գծով»,- ասել է Պուտինը: