Եվրո-2016. օրվա խաղերն ու բուքմեյքերական կանխատեսումները

Այսօր տեղի կունենան Եվրոպայի առաջնության խմբային փուլի երկրորդ տուրի վերջին խաղերը:

E խմբում միմյանց կհանդիպեն Բելգիայի և Իռլանդիայի հավաքականները:

Հեղինակավոր Williamhill բուքմեյքերական կենտրոնը հանդիպման ֆավորիտ համարում է բելգիացիներին՝ վերջիններիս հաղթանակի հնարավորությունը գնահատելով 1.80 գործակցով, ոչ-ոքին՝ 3.25, իռլանդացիների հաղթանակը՝ 5.50:

Հանդիպման մեկնարկը՝ Երևանի ժամանակով 17:00-ին:

F խմբում միմյանց դեմ կպայքարեն Իսլանդիայի և Հունգարիայի հավաքականները:

Այդ խաղում աննշան առավելություն բուքմեյքերները տալիս են Իսլանդիայի ընտրանուն՝ հավաքականի հաղթանակին տալով 2.75 գործակիցը: Հունգարացիների հաղթելուն և հանդիպումը ոչ-ոքի ավարտելուն բուքմեյքերները հավատում են հավասարաչափ՝ 2.90 գործակից:

Հանդիպման մեկնարկը՝ Երևանի ժամանակով 20:00-ին:

Խմբային փուլի երկրորդ տուրի վերջին խաղում էլ կհանդիպեն Պորտուգալիայի և Ավստրիայի ընտրանիները:

Ռոնալդուի հավաքականն այստեղ ֆավորիտն է. նրանց հաղթանակի հավանականությունը գնահատվում է 1.85 գործակցով, ոչ-ոքին՝ 3.20, ավստրիացիների հաղթանակի հնարավորությունը՝ 5.00 գործակցով:

Հանդիպման մեկնարկը՝ Երևանի ժամանակով 23:00-ին: