«ՉԻ». Գալուստ Սահակյանի զարմանալի հայտարարությունը

««Ես կարծում եմ՝ մենք որևէ անգամ ընտրակաշառք չենք տվել, բայց մեկ առ մեկ գիտենք, թե ով է ընտրակաշառքներ բաժանում», հայտարարել է ԱԺ նախագահ Գալուստ Սահակյանը։

«ՉԻ» – Զարմանալի հայտարարություններ է անում. նույն հաջողությամբ կարող է ասենք, հացադուլ հայտարարածը դուրս գալ ընտրողների առաջ՝ խաշլամայի կտորը պիջակի գրպանից դուրս ցցված, ու ատամները քչփորելով հայտարարել, թե արդեն երկու շաբաթ է բերանը փշուր չի դրել։

Ինչ վերաբերում է ընտրակաշառք բաժանողներին «մեկ առ մեկ իմանալուն», ապա իմանալ-չհայտնելու մասին հոդվածը դեռ ոչ ոք չեղյալ չի հայտարարել։ Չնայած՝ եթե այս հոդվածը լայնորեն կիրառվեր, Հայաստանի բոլոր քրեակատարողական հիմնարկները կվերածվեին ՀՀԿ տեղական կառույցների։ Իսկ դա արդեն կնշանակեր այլ կալանավորների խոշտանգում»,- գրում է թերթը։

Մանրամասները՝ թերթի այսօրվա համարում։