ՋրՊետԿոմ-ի պետական գումարներն ավելանում են, անարդյունավետությունը` էլ ավելի

ՀՀ վերահսկիչ պալատն ուսումնասիրել է ՀՀ գյուղատնտեսության նախարարության Ջրային տնտեսության պետական կոմիտեի դրամաշնորհային ծրագրերը, ոռոգման ծառայություններ մատուցող ընկերությունների ֆինանսական աջակցության տարմադրման և հարակից հարցերը:

Նշենք, որ 2011, 2012, 2013, 2014 և 2015թթ. կտրվածքով ընթացիկ դրամաշնորհների տեսքով պետական ֆինանսական աջակցության գնահատվող չափաքանակները ջուր օգտագործող ընկերություններին կազմել են համապատասխանաբար` 3,667,500 հազ. դրամ, 3,934,420 հազ. դրամ, 3,224,305.0 հազ. դրամ, 2,784,231.0 հազ. դրամ և 2,226,857.0 հազ. դրամ: Վերջինս հաստատվել է` հաշվի առնելով, որ ջրի սակագինը 2011-2012թթ. պետք է կազմի 11 դրամ, 2013, 2014թթ.` համապատասխանաբար 13.15, 14.07 դրամ, 2015թ-ին` 15.46 դրամ:
2013, 2014 և 2015 թվականների ընթացքում ըստ ջրօգտագործող ընկերությունների պետական ֆինանսական աջակցության ընդհանուր նոր չափաքանակներ:

2013-2014թթ. հավաքագրումը պետք է կազմի համապատասխանաբար 86.1 և 87.4%, սակայն Կոմիտեից ստացված տեղեկատվության համաձայն` համաքագրումը կազմել է շատ ավելի քիչ` համապատասխանաբար 82.6 և 76.6%:

2013թ-ին ոռոգման համակարգերի հիմնանորոգման նպատակով նախատեսվել է 700,000.0 հազ դրամ: 2014թ. նախատեսվել է 1,000,000.0 հազ. դրամ: 2015թ.-ին` 789,398.61 հազ. դրամ:

ՋՕԸ-ների 2013թ. ջրառը կազմել է 855,388.3 հազ. մ/խ ջուր, իսկ ջրտուքը` 472,006.8 հազ. մ/խ ջուր, արդյունքում` ստացվում է 44.8% կորուստ: 2014թ-ին ջրառը կազմել է 846,289.5 հազ. մ/խ ջուր, ջրտուքը` 461,167.3 հազ. մ/խ ջուր (45.5% կորուստ):

ՎՊ-ն ամփոփում է, որ ՀՀ պետական բյուջեի միջոցների հաշվին իրականացված ոռոգման համակարգերի հիմնանորոգման աշխատանքների իրականցումը, փաստացի կորուստների մակարդակը նվազելու փոխարեն աճում են (2013թ.-ին 44.8%, 2014թ.-ին 45.5%):

Կառավարության ՋՕԸ-ներին ֆինանսական աջակցության նպատակով նախատեսված գումարները 2013, 2014թթ. ավելացել են 22 և 70 տոկոսով, իսկ փաստացի տրամադրված գումարների չափերը, իրենց հերթին, գերազանցում են համապատասխանաբար 45 և 125 տոկոսով: Չնայած ֆինանսական աջակցության ավելացմանը, ընկերությունների կրեդիտորական պարտավորությունը 2013թ.-ի նկատմամբ 2014թ.-ին ավելացել է 174,845.5 հազ. դրամով:

Ինչպես երևում է Վերահկսիչ պալատի հաշվետվությունից, ոռոգման ոլորտում ոչ միայն չարաշահումներ են, այլև բյուջեի գումարների վատնում, և սա այն դեպքում, որ երկրում, ահտկապես ոռոգման սեզոնին, անընդհատ բարձրանում է ոռոգման ջրի հարցը և որևէ մեկը չի կարողանում պատասխանել, թե ուր են գնում պետական միջոցները, ինչու անարդյուանվետ ծախսերի համար ոչ ոք չի պատասխան տալիս, կամ էլ գոհանում են այս կամ այն ՋՕԸ-ի ղեկավարին ազատելով, իսկ թե ում բոստան է գնում ոռոգման ջուրը` այդպես էլ մնում է անհայտ:

Հիշեցնենք, որ ՋրՊետԿոմ-ի նախագահ Արամ Հարությունյանը` ղեկավարելով ոլորտը, ուղղակիորեն պատասխանատու է յուրաքանչյուր համայնքի ոռոգման, պետության կողմից տրամադրված յուրաքանչյուր լումայի համար, սակայն, ինչպես երևում է, զբաղված է հանքատեր Սիլվա Համբարձումյանի հետ կաշառք-կաշառք խաղալով: