Համաշխարհային բա՞նկն է ստիպում է ծանրացնել հարկային բեռը

ՀՀ Ազգային ժողովում մեկնարկել են Հարկային օրենսգրքի քննարկումները: Օրենսգրքի մշակման աշխատանքներն սկսվել են դեռ 2014 թ. տարեվերջին, աշխատանքների ներգրաված են եղել ՀՀ ֆինանսների նախարարության հարկային մարմինների աշխատակիցներ, ՀԿ-ների, ԱՄՀ-ի, ՀԲ-ի փորձագետներ: Ըստ օրենսգիրքը մշակողների` օրենսգիրքը նպաստելու է տնտեսության ակտիվությունը, երկարաժամկետ տնտեսական աճի ապահովմանը:

Օրենսգրքում Արժույթի միջազգային հիմնադրամի հետ կապված` մի շարք միջոցառումներ է առաջարկել` ԱԱՀ հետ վերադարձման հնարավորություն կունենան ոչ միայն արտահանողները, այլև Հայաստանում գործունեություն ծավալող տնտեսվարողները: Անհատ ձեռնարկատերերի համար նվազեցվում է դրույքաչափը, սահմանվում է 20 տոկոս դրույքաչափ` հարկվելով շահութահարկի դաշտում:

Վերանայվելու են դիզվառելիքի ակցիզային դրույքաչափերը: Նախատեսվում է պահպանել հարկման ուղղահայաց արդարության սկզբունքը: Հարկային օրենսգրքի վերաբերյալ պատգամավորի կարծիքները բաժանվել են. անկախ պատգամավոր Էդմոն Մարուքյանը հայտարարել է, որ Հայաստանի հարկային մարմինները գործում են ԽՍՀՄ ժամանակվա իրավապահ մարմինների գործելաոճով` նվազելու փոխարեն եկամտային հարկն այս նախագծով ավելանալու է:

Ըստ նրա, բյուջեի 54 մլրդ դրամ պակասուրդը փորձ է արվում լրացնել եկամտահարկը բարձրացնելով, որը դրվում է հարկատուների վրա, իսկ բնակչության հիմնական մասն աղքատ է և հենց իրենք են կրելու հարկային նոր ծանրացված բեռը: Էդմոն Մարուքյանը նաև շեշտել է, որ օրենսդրական նախաձեռնություններով ամեն ինչ արվել է, որ Հայաստանում ապրելը դառնա ծայրահեղ անհնարին:

«Վերցրեք տարեք էս օրենսգիրքը»,- հայտարարել է Էդմոն Մարուքյանը:

ՀԱԿ խմբացության ղեկավար Լևոն Զուրաբյանը շեշտը դրել է Համաշխարհային բանկի կողմից հարկային օրենսգրքի սահմանած ժամկետների վերաբերյալ` հիշեցնելով, որ ՀՀՇ-ի իշխանության տարիներին չէին թողնում, որ ՀԲ-ն հանդես գա թելադրողի դերում, իսկ այսօր «ՀԲ-ն դարձել է թելադրող, իսկ մեր կառավարությունը կուրորեն կատարում է նրա պահանջները: Սա խայտառակ իրողություն է»,- ասել է Լ.Զուրաբյանը:

ԱԺ ՀԱԿ խմբակցության պատգամավոր Նիկոլ Փաշինյանը Հարկային օրենսգրքի նախագծի քննարկմանը հիշեցրել է, որ ՀՀ-ում կա 615 հազար վարձու աշխատող, և նրանցից 204 հազարը պետական բյուջետային աշխատողներ են, որոնք, ըստ էության, հարկատուներ չեն, քանի որ նրանց աշխատավարձը գոյանում է ուրիշների հարկերից:

«Ստացվում է, որ 361 հազար ակտիվ հարկատու կա` գումարած 50-54 հազար անհատ ձեռներեց: Մեր բյուջե այս մարդկանցից է հարկ գնում, և հիմա փոխանակ պետությունն ամեն ինչ անի՝ նրանց թիվն ավելացնելու համար, ըստ էության, անում է այն, որ նրանց թիվը տարեցտարի պակասում է, իսկ հարկային բեռն ավելանում է»,- ասել է Փաշինյանը:

Ինչպես միշտ է եղել, հանրության մոտ հարկ ասելը ծանր ասոցիացիաներ է առաջացրել, և երևում է`նման իրավիճակը շարունակական է. հարկահավաքը մնում է հարկահավաք. դրա հայը կամ օտարազգին չկա: