Երեխային աշխատեցնելը` դաստիարակության միջոց (տեսանյութ)

Հունիսի 12-ը Երեխաների ծանր աշխատանքի դեմ պայքարի համաշխարհային օրն էր: Ի՞նչ ծանր աշխատանքներում են ներգրավված անչափահասները Հայաստանում, ինչպե՞ս և ինչո՞ւ են մեր երկրում ոտնահարվում երեխաների աշխատանքային իրավունքները պարզաբանեցին «Վորլդ Վիժն Հայաստան» կազմակերպության երեխաների պաշտպանության և կրթական ծրագրերի ղեկավար Աիդա Մուրադյանն ու հոգեբան Սամվել Խուդոյանը:

Առհասարակ աշխարհում 215 մլն երեխա ներգրավված է տարբեր տիպի աշխատանքներում:

«Հայաստանում այս պահին 1100 երեխա փաստացի գրանցված աշխատում է տարբեր գործատուների հետ և օգտվում Աշխատանքային օրենսգրքի բոլոր արտոնություններից: Հայաստանում որպես այդպիսին չկա ծանր ասված աշխատանքը»,- ասում է հոգեբան Սամվել Խուդոյանը, սակայն կա երեխայի հոգեբանության վրա ծանր անդրադարձող աշխատանք, օրինակ` մուրացկանությամբ զբաղվելը:

«Աշխատանքային դաստիարակությունն ամենահզորն է, սակայն դա չպետք է լինի հարկադրաբար»,- ասում է հոգեբանը և հավելում, որ Հայաստանում երեխաները կարող են աշխատել 14 տարեկանից սկսած: Բանախոսները նշեցին, որ իրենց պրակտիկայի ընթացում Հայաստանում չեն հանդիպել երեխաների ներգրավածությանը թմրանյութերի վաճառքի, էրոտիկ տեսանյութերի մեջ, ինչը քրեորեն պատժելի արարք է:

Մանրամասները տեսանյութում