Թվային ընդունիչ սարքերի ձեռքը ժողովուրդը կրակն է ընկել

Թվային հեռուստատեսությունը շուտով 100 տոկոսանոց իրողություն է դառնալու Հայաստանի համար: Թվային ընդունիչ սարքերի ձեռքբերման համար պետությունը սոցիալապես անապահով խավերի համար գնել է սարքերը և բաժանել անվճար հիմունքներով: Բացի այդ, գնվել է տարբեր սարքեր և սարքավորումներ և այդ նպատակով ծախսելով միլիարդավոր դրամներ:

«Հայաստանի հեռուստատեսային և ռադիոհաղորդիչ ցանց» ՓԲԸ-ի ղեկավար Գրիգոր Ամալյանն անցած տարի հայտարարել էր, որ ինքը ձեռք է բերել այդ սարքերից և կա 7000 դրամով, իսկ ամենաթանկը կարելի է ձեռք բերել 9000 դրամով: Սա անցած տարի:

Այս տարի արդեն ամենաթանկ սարքն արժե 15 հազար դրամ, տարբերությունը մեծ չէ, ըստ սպառողների 15 հազար դրամանոց սարքի վրա «մի քանի զիզի-բիզի»բան կա»:

Սարքերի գնելուց անմիջապես հետո սպառողներն սկսեցին դժգոհել սարքերից. դրանք կամ փչանում էին անմիջապես, կամ մի քանի օր օգտագործելուց հետո:

Եթե նկատի ունենաք, որ բացի անապահովության սանդղակում գրանցված քաղաքացիների, երկրի բնակչության մյուս հատվածը ևս առանձնապես ապահով չէ, ապա 6 ամիսը մեկ անգամ գնել միջինում 12 հազար դրամանոց սարք, ոչ բոլորի գրպանին է հարմար:

Վաճառողներից մեկը Newspress.am-ին ասաց, որ մեծ խմբաքանակ է ժամանակ առաջ ներկրվել Հայաստան, որոնք եղել են դեֆեկտով, որը և «նաղդել են» ժողովրդի վրա: Հավելենք նաև, որ այս սարքերը վերանորոգման ենթակա չեն:
Իսկ թե ինչ է լինելու այն անապահով խավին բաժանված սարքերի հետ, որոնք չեն աշխատում, հայտնի չէ, սակայն միանաշանակ է, որ 6 ամիսը մեկ անգամ այն անվճար չեն բաժանելու անապահովներին:

Ստացվում է, որ այս պրոցեսն անընդհատ է. սարքերը փչանալու են, գնվելու են կամ չեն գնվելու: Եղել են դեպքեր, երբ քաղաքացին փչացած սարքերը ձեռքին եկել է վաճառակետ, որտեղից այն գնել է, սակայն վաճառողները, բնականաբար, չէին ասելու` մենք դեֆեկտավոր չինական ապրանք ենք «նաղդել»:

Մնում է միայն մեկ տարբերակ` գնել հեռուստացույց, որն արդեն ունի թվային ընդունիչ սարք, հակառակ դեպքում քաղաքացին դատապարտված է այն գնել տարին առնվազն 2 անգամ:

«Հայաստանի հեռուստատեսային և ռադիոհաղորդիչ ցանց» ՓԲԸ-ն արդյոք մտածե՞լ է այս մասին, քանի որ թվային հեռարձակմանն անցնելը և թվային ընդունիչ սարքերի գնումը փոխկապակցված են միմյանց:

Գուցե դա է պատճառը, որ անալոգային հեռարձակումները դեռևս չեն անջատում, քանի որ ժողովուրդը դեռևս գնում և վերագնում է թվային ընդունիչները` հարստացնելով ոմանց և գերի դառնալով ոմանց անհեռանկար գաղափարներին: