Ինչ-որ բան Հովիկ Աբրահամյանն ու դաշնակ նախարարը չեն կիսել

Կառավարության այսօրվա նիստում ՀՀ կրթության և գիտության նախարար Լևոն Մկրտչյանը ներկայացնում էր «Գավառի պետական համալսարան» ՊՈԱԿ-ը «Գավառի պետական համալսարան» հիմնադրամի վերակազմավորելու, գույք նվիրաբերելու և գույք տրամադրելու մասին որոշման նախագիծը: Վարչապետ Հովիկ Աբրահամյանը ԿԳ նախարարին հարցրեց, թե ինչո՞ւ են պետական գույքը նվիրում, պետք է անհատույց օգտագործման տալ:

Նշենք, որ Լևոն Մկրտչյանը նաև նշանակել էր Ռուզաննա Հակոբյանին «Գավառի պետական համալսարան» հիմնադրամի տնօրենի պաշտոնակատար:

Ի դեպ, Լևոն Մկրտչյանը որոշել էր Հայաստանի Հանրապետության կառավարությանն առընթեր պետական գույքի կառավարման վարչության տնօրինությանը հանձնված, Հայաստանի Հանրապետության սեփականություն հանդիսացող՝ ՀՀ Գեղարքունիքի մարզի Գավառ քաղաքի Հրանտ Հակոբյան 1 հասցեում գտնվող՝ 211857.6 դրամ սկզբնական արժեքով, 4314.5 քառ. մետր մակերեսով անշարժ գույքը և դրա օգտագործման ու սպասարկման համար հատկացված 0.519 հեկտար հողամասը, նվիրաբերել «Գավառի պետական համալսարան» հիմնադրամին: Որքան էլ զարմանալի է, սակայն Հովիկ Աբրահամյանը ճիշտ է, կամ էլ ինչ-ր բան դաշնակ նախարարը և ՀՀ վարչապետը չեն կիսել, որը հանրության սեփականությունը չէ դեռևս:

Հավելենք նաև, որ նույն որոշմամբ ստեղծվում է «Գավառի պետական համալսարան» հիմնադրամը, որն ունի կանոնադրություն:
Հիշեցնենք նաև, որ «Գավառի պետական համալսարան» հիմնադրամը «Գավառի պետական համալսարան» պետական ոչ առևտրային կազմակերպության իրավահաջորդն է և նրան է անցնում վերակազմակերպված իրավաբանական անձի իրավունքներն ու պարտականությունները:28

Կարող ենք հավելել, որ ընթանում է ՊՈԱԿ-ներից հիմնադրամների անցումը, որը ենթադրում է տիրապետել ֆինանսական լուրջ միջոցների, նաև նվիրատվություններ ստանալ, իսկ հիմանդրամներում փող մսխելու հավանականությունն ավելի մեծ է, ինչին և լծվել է կրթության և գիտության նախարարը:

Այս ընթացքում մի շարք ԲՈՒՀ-եր, որոնք ՊՈԱԿ-ներ էին արդեն վերածվել են հիմնադրամի և պետական տարածք նվիրաբերելը «Գավառի պետական համալսարան» հիմնադրամին պատահական չէր: