Հացամթերքն ու մսամթերքը թանկացել են. ԱՎԾ

Հացամթերքի ապրանքախմբում 2016թ. մայիսին ապրիլի համեմատ արձանագրվել է 0.4% գնաճ: Այս մասին տեղեկացնում են ազգային վիճակագրական ծառայությունից:

Վերջինս հիմնականում պայմանավորվել է առաջին տեսակի ալյուրի՝ 0.4%, առաջին տեսակի հացի՝ 0.4%, մակարոնեղենի՝ 0.8%, բլղուրի՝ 0.9%, բրնձի՝ 0.9%, ձավարի՝ 1.4%, ոսպի՝ 2.6%, սիսեռի՝ 3.1%, հնդկացորենի 6.7% գնաճով:

Հանրապետության դիտարկված 9 քաղաքներում 2016թ. մայիսին ապրիլի համեմատ հացամթերքի գներն աճել են 0.1-0.9%-ով (գնաճի ամենաբարձր ցուցանիշն արձանագրվել է ք. Վաղարշապատում), իսկ 1 2016թ. ապրիլ-մայիսին 2015թ. ապրիլ և մայիս ամիսների նկատմամբ բանջարեղենի և մրգի առանձին տեսակների գների և գների տոկոսային փոփոխությունների մասին տեղեկատվությունը բերված է հավելված 1-ում: 3 2-ում գրանցվել է 0.1% գնանկում:

Մայրաքաղաքում հացամթերքի գների ընդհանուր մակարդակը նախորդ ամսվա համեմատ աճել է 0.4%-ով:

Մսամթերքի ապրանքախմբում 2016թ. մայիսին ապրիլի համեմատ գրանցվել է 0.2% գնաճ: 2016թ. մայիսին ապրիլի համեմատ հանրապետությունում արձանագրվել է տավարի, աղացած և ոչխարի մսերի՝ համապատասխանաբար 0.5%, 1.0% և 1.3%, առաջին տեսակի կիսաապխտած երշիկի՝ 1.6%, հավի բդի 2.3% գնաճ:

Միաժամանակ, այլ մսեղենի (խաշի պարագա- ներ)՝ գինը նվազել է 4.3%-ով, խոզի մսինը՝ 1.4%-ով, նրբերշիկինը՝ 0.8%-ով, թռչնամսինը՝ 0.5%-ով: Հանրապետության դիտարկված 5 քաղաքներում 2016թ. մայիսին ապրիլի համեմատ արձանագրվել է մսամթերքի 0.3-1.6% գնաճ, 5-ում՝ 1.5-0.1% գնանկում, իսկ մեկում՝ գների մակարդակը նախորդ ամսվա համեմատ մնացել է անփոփոխ: Մայրաքաղաքում մսամթերքի գների ընդհանուր մակարդակը նախորդ ամսվա համեմատ աճել է 0.3%-ով: