Ինչո՞ւ է Աթեշյանն Էրդողանին նամակ հղել՝ ըստ Արագած Ախոյանի

Պոլսո Հայոց Պատրիարքարանի փոխանորդ Արամ Արքեպիսկոպոս Աթեշյանը թուրքամետ գործողություններով փորձում է պարզապես երկարաձգել իր պաշտոնավարումը, որին աջակցում են նաև թուրքական իշխանությունները, որպեսզի վերընտրություններ այսօր տեղի չունենան: Այս մասին այսօր լրագրողների հետ հանդիպմանն ասաց ԱԺ պատգամավոր Արագած Ախոյանը, անդրադառնալով Աթեշյանի՝ Թուրքիայի նախագահին ուղղված նամակին:

«Այդպիսի հակահայ հայտարարությունները եղել են պարբերաբար: Շատ է եղել, որ հայկական համայնքը շատ անգամ է փորձել դրանց վրա աչք փակել, և շատ անգամ է եղել, որ Մայր Աթոռը փորձել է կլորացնել բոլոր սուր անկյունները, բայց այսպես այլևս անհնար է, իսկ երեկվա հայտարարությունն ուղղակի այդ շարքի վերջնակետն էր»,- ասաց Ախոյանը:

Պատգամավորը հորդորեց Աթեշյանի հայտարարությանը չխառնել ոչ հայկական համայնքի, և ոչ էլ Մայր Աթոռի հետ:

«Այսպիսի վերաբերմունքն անարգանք է Հրանտ Դինքին: Եվ ոչ ոք թող չփորձի համոզել, թե այդ հայտարարությունը ճնշումների տակ է եղել: Ես քաջ ծանոթ եմ Թուրքիայի հասարակական ու քաղաքական այն շետերի հետ և անգիր գիտեմ, թե ով ինչ է մտածում»,- ասաց պատգամավորը և հիշեցրեց, որ Արամ Աթեշյանը չի հանդիսանում Պոլսո Պատրիարք, այլ փոխանորդն է անկողնուն գամված Մեսրոպ արքեպիսկոպոս Մութաֆյանի և օգտվում է առիթից: