«Ժողովուրդ». Ուսխորհրդի նախագահը հանրապետական չէ. ԵՊՀ ռեկտորն արդարացնում է բուհը կուսակցականացնելը

«Ժողովուրդ» թերթը գրում է.

«Այն հանգամանքը, որ Հայաստանի՝ հատկապես պետական բուհերն իշխող ՀՀԿ-ի քարոզչական ֆիլյալների են վերածվել, թերևս վաղուց հայտնի իրողություն է։ Ուսանողներին ուսխորհուրդների անդամների օրինակով բուհում ակնառու մատնացույց են անում, որ եթե նրանք ցանկանում են «կարիերա» ունենալ, ապա պետք է անդամագրվեն իշխող կուսակցությանը։ Այսինքն՝ գործում է նույն մոտեցումը, որն առկա էր Խորհրդային Հայաստանում, երբ բոլոր բուհերի ուսանողներին պարտադրում էին կոմունիստ դառնալ՝ սպառնալով որ նրանք այլապես հեռանկար չեն ունենա` ԵՊՀ ռեկտոր Արամ Սիմոնյանից երեկ «Ժողովուրդ»–ը փորձեց պարզել, թե ինչպես է նա մեկնաբանում այն փաստը, որ ինքը, որպես ՀՀԿ-ական, իր օրինակով մայր բուհը ամբողջությամբ կուսակցականացրել է։ Ի պատասխան՝ նա ասաց. «Մի քիչ ուռճացված է այդ պրոբլեմը, որովհետև նույն մեր ուսանողական խորհուրդը համարում են հանրապետական, բայց դա այդպես չէ։ Օրինակ՝ ուսանողական խորհրդի նախագահը հանրապետական չէ»։

Այլ կերպ ասած՝ մի ուսանող հաջողացրել է «պլստալ»»,–գրում է թերթը։

Մանրամասները՝ թերթի այսօրվա համարում։