Արդյունքներ կլինեին, եթե քաղաքական կամք լիներ. Թևան Պողոսյան

«Ցինիկ բան պետք է ասեմ, բայց Հայաստանում փաստաթղթային առումով չկան մենաշնորհներ»,- այսօր ԱԺ պատգամավոր Թևան Պողոսյանը անդրադարձավ կառավարության կողմից, այսպես ասած, մենաշնորհների ու կոռուպցիայի դեմ պայքարին ուղղված հայտարարությանը: Ըստ պատգամավորի` փաստաթղթով հարցը չի լուծվում, և եթե մի պահ նայենք իրականության աչքերին, ապա պատկերն ամբողջովին կփոխվի.

«Մի բան պետք է հասկանալ` մենք արդյոք այսօր իրավունք ունե՞նք առաջնորդվել միայն փաստաթղթով: Իրական կյանքը ցույց է տալիս հետևյալը՝ այո, ունենք մենաշնորհներ, և այո պետք է դրանց դեմ պայքարելու ուղիներ գտնենք: Եթե քաղաքական կամք լիներ առհասարակ, ապա մայիսի 1-ից հետո մենաշնորհների և կոռուպցիայի պայքարի սպասված արդյունքները հայտնի կլինեին»,- ավելացրեց Թևան Պողոսյանը, և ավելացրեց, որ, իհարկե, ՊՆ-ում որոշ մարդիկ ձերբակալվել են, բայց պետք է հասկանալ, որ խնդիրը միայն մեկ ոլորտում չէ: Ըստ բանախոսի` պետք է ընդհանրապես վերանայել բոլոր ոլորտներում պետական գնումների մեխանիզմը:

Ինչո՞ւ նախկին պատգամավոր Արծվիկ Մինասյանն այլևս անողոք պայքար չի տանում այդ խնդիրների մասով, մասնավորապես մոնոպոլիայի, արդյոք նախարարի պաշտոնը փոխե՞լ է նախկին պատգամավոր, մենաշնորհների դեմ անողոք պայքարող Արծվիկ Մինասյանին, պատգամավոր Թևան Պողոսյանը նշեց, որ մարդկային արժեքների տեսանկյունից որևէ փոփոխություն չի նկատել, ի պաշտոնե էլ նա միշտ հասանելի է. «Պետք է հասկանալ, որ Արծվիկ Մինասյանի քայլերը բխում են են նրանից, թե կառավարությունը որքան է նրան գործելու հնարավորություն տալու»: