Որ կզոռա ջուխտը մի մանեթ. Լյովա Խաչատրյան

Հունիսի 1-ին ԸՕ-ի ընդունման վերջնաժամկետն էր և արտահերթ նիստերի գումարմամբ մայիսի 25-ին երրորդ ընթերցմամբ և ամբողջովին Ընտրական օրենսգրքի նախագիծը դրվեց քվեարկության և ընդունվեց 102 կողմ, 17 դեմ և 3 ձեռնպահ ձայների հարաբերակցությամբ:
ԸՕ-ի նախագծում այդպես էլ չընդունվեց ընդդիմության առաջարկներից գրեթե ոչինչ: ԸՕ-ի քվեարկության և այլ հարցերի շուրջ Newspress.am-ը զրուցեց ԲՀԿ խմբակցության պատգամավոր Լյովա Խաչատրյանի հետ:

«Մեզ սպասվում է առանց ընտրությունների իշխանության ձևավորում, որովհետև այս Ընտրական օրենսգիրքը փաստաթուղթ է, ոչ թե Ընտրական օրենսգիրք»,-ասաց Լյովա Խաչատրյանը:

Հարցին, թե անգամ քվեարկության օրը ՀՀ Կառավարության աշխատակազմի ղեկավար-նախարար Դավիթ Հարությունյանը հայտարարեց, որ պատրաստ են առաջարկների քննարկմանը Լյովա Խաչատրյանն ասաց. «Առաջարկներ ընդունե՞լ, երևի խոսելու հավես ունեն, նույնիսկ իմ երկու առաջարկները չընդունվեցին, նույնիսկ ամփոփ չմտան: Ուղարկել էի Ազգային ժողովից Կառավարություն, այնտեղից ասել էին՝ երկու օրում կլինի, երևի տրանսպորտ չկար, խցանում էր…»:

Պատգամավորը տեղեկացրեց, որ իր առաջարկները վերաբերում էին հանրակարթական աշխատողներին ընտրական պրոցեսներից զերծ պահելուն, իսկ երկրորդ առաջարկը վերաբերել էր խորհրդարանական կուսակցություններին գրավից ազատելուն:

Հարցին, թե 102 կողմ ձայնն ինչի մասին է խոսում, արդյոք 102 կողմը ԸՕ-ին խորհրդարանի դերի թերակատարման մասին չի՞ խոսում, հաշվի առելով ԸՕ-ի ձևավորման ընթացքը, Լյովա Խաչատրյանը պատասխանեց. «Ասում է՝ որ կզոռա ջուխտը մի մանեթ, եթե պետք լիներ 131 կողմ էլ կապահովվեր»: