Մենաշնորհների ուրբաթը շաբաթից շուտ եկավ

Դեռևս օրեր առաջ է «ԱՄՆ գործարար ճեպազրույց. Հայասատան» հայ-ամերիկյան գործարար համաժողովի ժամանակ ՀՀ էկոնոմիկայի դաշնակցական նախարար Արծվիկ Մինասյանը հայտարարել է, որ կոռուպցիան, մենաշնորհն ու հանրային միջոցների չարաշարումը մեր երկրի տնտեսական զարգացման պատնեշներն են:

Նշենք, որ վերջին շրջանում շատ է խոսվում մենաշնորհների վերացման մասին, մայիսի 12-ի կառավարության նիստի ժամանակ վարչապետ Հովիկ Աբրահամյանը հանձնարարեց էկոնոմիկայի նախարարին, տնտեսական մրցակցության պաշտպանության հանձնաժողովին, Հայաստանում գործող տարբեր միջազգային կառույցների ներգրավմամբ, ամենասեղմ ժամկետում՝ առավելագույնը երեք շաբաթվա ընթացքում, վերլուծել Հայաստանում առկա մենաշնորհները, դրանց ազդեցությունը ազատ մրցակցային պայմաններ ունենալու վրա և առաջարկել արդյունավետ լուծումները, որոնք կարող են շտկել ստեղծված իրավիճակը:

Շուտով մոտենում է վարչապետի սահմանած մենաշնորհների շուրջ ստեղծված իրավիճակը ներկայացնելու ժամկետը, այսօր արդեն Ազգային ժողովում Արծվիկ Մինասյանը՝ մոռանալով, որ մենաշնորհը տնտեսության զարգացման խոչընդոտներից է, մոռանալով, որ վարչապետը հրահանգել է արդյունավետ լուծում գտնել մենաշնորհների դեմ պայքարում՝ շեշտել է, որ շաքարավազի ներկրման ոլորտին օրենքով մենշանրորհ տրվի:

Այսինքն մենաշնորհների դեմ պայքարի լավագույն ձևը դրանց օրենքով ամրագրելն է:

Հիմա չի քննարկվում մենաշնորհ կար, թե մենաշնորհ չկար, իսկ թե ինչու էր Սամվել Ալեքսանյանին պատկանում շաքարավազ ներկրելու արտոնությունը, ոչ մի խոսք, սակայն փաստ է, որ հետայսու օրենքով է ներկրելու և օրենքով է արդեն մենաշնորվել ոլորտը:

Այստեղ զգուշացնող հանգամանք կա, եթե մենաշնորհների դեմ պայքարը հասկացվում է, որպեսզի մենաշնորհը օրինականացվի, բոլորովին այլ հարց է:
Շաքարավազին կհետևի նավթամթերքի օրինականցումը, ալյուրի ներկրման օրինականացումը և այսպես շարունակ:

Հիշեցնենք, որ շաքարավազի ներկրման մենաշնորհը պատկանում է ԱԺ պատգամավոր Սամվել Ալեքսանյանին: Հիմա արդեն ոչ կուլիսներում կխոսեն, ոչ էլ ենթատեքստերով կգրեն շաքարավազի մենաշնորհների մասին, այլ ուղիղ տողով:

Իսկ թե Արծվիկ Միանսյանն ինչ է ներկայացնելու հունիսի 2-ի կառավարության նիստի ժամանակ, մնում է ենթադրել: Եթե պետք է ՀՀ տնտեսության արդեն ոչ օրինական մենաշնորհումները օրինականացնել, արդյոք պետք էր այս ամբողջ աղմուկը կամ ում էր պետք:

Այստեղ իհարկե տուժելու է Արծվիկ Մինասյանի հեղինակությունը, ով կամա-ակամա դարձավ մենաշնորհների օրինականացման կնքահայրը:

Հիշեցնենք, որ Արծվիկ Մինսայանը խոստացել էր ներկայացնել երեքշաբաթյա ժամկետում մենաշնորհային ոլորտները, անունները, պետք էր հրապարակեր նաև գերիշխող դիրք կամ կենտրոնացվածության բարձր աստիճան ունեցող ընկերությունների ցանկը, ովքեր խաթարում են մրցակցությանը:

Հիշեցնենք, որ մենաշնորհային ոլորտներ են դիտարկվում կարագը, շաքարավազը, դիզվառելիքը, բենզինը, բանանը, ալյուրը, թռչնի միսը, ցիրտրուսային բույսերը:

Պարզապես Արծվիկ Մինասյանը տարբեր միջոցառումներին տարբեր իդեաներ է արտահայտում. որը կլինի՝ կլինի: