Վառելանյութի հայաստանյան շուկայում մենաշնորհը չի նահանջում

Հայաստանում բենզինը թանկացել է: Վերջին շրջանում անընդհատ նվազում էր նավթամթերքի գները և այս կտրուկ նվազումների ֆոնին Հայաստանում բենզինը շարժ ցույց չէր տալիս: Բենզին ծախողները հայտարարում են, որ դա թանկ գնած բենզինն է, և վաճառում են նախկին գնով, իսկ նավթին թանկանալուն զուգընթաց` բենզինը էլ ավելի է թանկանում:

Նավթի գների աճը կարող է տեղի ունենալ շատ չնչին քանակով, այն է՝ 0,18 տոկոսով և գների իրական ազդեցությունը` դեպի Հայաստանի նման երկրներ, բավականին ժամանակ է պետք զգալու համար:

Ու պատճառը Հայաստանում «գոյություն չունեցող մենաշնորհն» է, որին փնտրում են արդեն երկու շաբաթ և չեն գտնում:

Հայաստանում բենզինի, դիզվառելիքի ներմուծումը մի քանի ընկերությունների մենաշնորհն է: Այս մասին բազմիցս հայտարարել է Տնտեսական մրցակցության պաշտպանության պետական հանձաժողովը:

Դեռևս 2011-ին հանձնաժողովի որոշմամբ՝ օրենքով նախատեսված կարգով «Սիթի Պետրոլ Գրուպ», «Ֆլեշ», «Ռան-Օյլ», «Մաքսհուր» ՍՊԸ-ները և «Միկա Քորփորեյշն» ՓԲԸ-ն ճանաչվել են ցանցերով գերիշխող ընկերություններ, քանի որ նրանցից յուրաքանչյուրն ունեցել է 4 և ավելի լցակայան: Սակայն մամուլում դեռ 2014-ին, «Միկայի» տեր Միխայիլ Բաղդասարովն իր նավթային ակտիվները, այդ թվում՝ լցակայանները, նավթային բազաներն ու գրասենյակային տարածքները վաճառել էր ռուսական «Ռոսնեֆտին» և ներկայումս հենց այս կազմակերպությունն է ապահովում Հայաստանի բենզինի ու դիզվառելիքի ներկրումը:

Եթե տնտեսության մեջ մրցակցությունը վերահսկող մարմին արձանագրում է, որ գերիշխող դիրք ունեցող ընկերություներ կան, սա նշանակում է, որ նրանք են գին և ապրանք թելադրում շուկայում: Երկար փնտրել պետք չէ, պետք է ՏՄՊՊՀ-ի դռնակը թակել և Արտակ Շաբոյանը մոնոպոլիա փնտրողներին բոլոր անհրաժեշտ տեղեկությունները կտա:

Հենց գերիշխող դիրք ունեցողներն են մոնոպոլիա ստեղծողները և այդ է պատճառը, որ բենզինի գները չեն արձագանքում միջազգային շուկայում նավթամթերքի գների նվազմանը, սակայն արձագանքում են մեկ լումա թանկացմանը:

Նախկին վարչապետ Հրանտ Բագրատյանը մի առիթով հայտարարել է, թե մոնոպոլիայի հարցը կլուծվի, երբ ինքը դառնա երկրի ղեկավար:մ