Հայաստանում գիտական աստիճանները բաշխվում են շռայլորեն. «ՀԺ»

«Պաշտոնական վիճակագրական տվյալները փաստում են, որ Հայաստանում գիտական աստիճանները բաշխվում են շռայլորեն։ Դրանում, իհարկե, ոչ ոք թերևս կասկած չուներ, բայց թվերը շատ ավելի խոսուն են։ Ու դա, փաստորեն, այն պարագայում, երբ մեր երկրում գիտության ցածր մակարդակի մասին հաճախ է բարձրաձայնվում, հանրությանը չեն ներկայացվում որոշակի գիտական արդյունքներ, խոսվում է խղճուկ ֆինանսական հնարավորություններից։ Գիտնականները հաճախ դրանով պայմանավորում են գիտության զարգացման թերությունները, կառավարությունն Էլ իր հերթին չի շտապում խնդիրների կապը այդ տեսանկյունից դիտարկել։ Բայց՝ առկա իրավիճակով հանդերձ, գիտնականների թիվն ավելանում ու ավելանում Է։ Օրինակ, 1994 թվականին Հայաստանի Հանրապետությունում գիտության դոկտորի և գիտության թեկնածուի գիտական աստիճանի վկայագիր է ստացել ընդհանուր առմամբ 103 մարդ։ Հաջորդ տարիներին այդ թիվը արագընթաց տեմպերով աճել Է՝ չնայած համարվում Է, որ խորհրդային գիտական ավանդույթներն այլ Էին, ու ամեն հաջորդ տարին, որպես կանոն, նահանջ Է նշանակել։ 1995 թվականին գիտության դոկտոր և թեկնածու են դարձել 152 մարդ, 1996-ին՝ 196, 1997-ին՝ 247 և այլն։

Արդեն օրինակ 2003 թվականին գիտության դոկտորի և գիտության թեկնածուի գիտական աստիճանի վկայագիր ստացածների թիվը 421 Է, 2004-ին՝ 481,2005-ին՝ 475։ 2009-ին հասել Է 568-ի, 2010-ին՝ 539-ի, 2012-ին՝ եղել Է 495, 2013-ին՝ 610, 2014-ին՝ 594, 2015-ին՝ 593։ Իսկ թե ինչ կփոխվի ընթացիկ տարում, ցույց կտա ժամանակը։ Հայտնի Է, որ այս տարի կառավարության համապատասխան որոշմամբ մի շարք փոփոխություններ են կատարվել գիտական աստիճանի շնորհման կարգում, ինչը ենթադրում Էր որոշակի խստացումներ»,–գրում է թերթը։

Մանրամասները՝ թերթի այսօրվա համարում։