Ադրբեջանի «ՎՏԲ-Հայաստան բանկ» ՓԲԸ-ի ցինիզմը

Օրեր առաջ Newspress.am-ն անդրադարձել էր «ՎՏԲ» բանկի հաճախորդ Վարդուհու պատմությանն, ով մեկն է այն հազարավոր խաբվածներից, որ հայտնվելով կենցաղային ծանր պայմաններում, հավատացել են բանկի խոստումներին և կուլ տվել խայծը:

Հիշեցնենք, որ Վարդուհին 2015թ-ի հունիսին, վարկով գումար է վերցրել ու պարտաճանաչորեն սկսել վճարել տոկոսները:

Ավելի ուշ՝ ելնելով առաջ եկած սոցիալական ծանր պայմաններից, նա տոկոսները կանգանցնելու խնդրանքով դիմել է բանկին, որպեսզի կարողանա վճարել մայր գումարը: Սակայն բանկի աշխատակիցները չեն ցանկացել նույնիսկ լսել նրան:

Այսօր արդեն, Վարդուհու 420 հազար դրամանոց վարկը, տույժ ու տուգանքների հաշվին, կրկնապատկվել է ու հասել 980 հազար դրամի:

Այն, որ ընդամենը 3 ամսվա ընթացքում թվերը մարդկային բանականությունից ու տրամաբանությունից դուրս պրոգրեսիայի են ենթարկվել, երկրորդ կարծիք լինել չի կարող, սակայն միայն սա չէ, որ կասկածի տակ է դնում ՎՏԲ բանկի գործունեությունը:

Չգիտես ինչու, բանկի աշխատակիցներն իրենց հաճախորդներին արժանացնում են անմարդկային ու անբաեխիղճ վերաբերմունքի:

Բանկի աշխատակիցները ոչ միայն չեն ընդառաջում Վարդուհուն, այլև չեն ուզում լսել նրան ու արհամահական վերաբերմունքի են արժանացնում:

Ավելին՝ աշխատակիցներից մեկն ակնարկել է, թե տոկոսները կկանգնեցնեն միայն մի դեպքում, երբ հաճախորդը մահանա:

Նյութի հրապարակումից հետո, Վարդուհին դարձյալ փորձել է խոսել բանկի աշխատակիցների հետ, սակայն այդպես էլ արդյունքի չի հասել. նույն անբարյացակամ ու սառը մոտեցումը և արհամարհանքը:

Ինչպես մեր նախորդ նյութում, այս անգամ ևս ուզում եմ նկատել, որ չնայած ՎՏԲ մի շարք այլ բանկերի հետ հայտարարել է, թե քառօրյայում զոհված զինծառայողների պարտքերը կասեցնելու է, սակայն կան զոհված զինվորների ընտանիքներ, ովքեր վստահեցնում են, որ մինչ օրս վճարում են իրենց տոկոսները:

Հիշեցնենք նաև, որ «ԱԼԳԱ» իրավաբանական ընկերությունը ապրիլի 1-7 -ն ընկած ժամանակահատվածում ռուս-ադրբեջանական «ՎՏԲ-Հայաստան բանկ» ՓԲԸ-ն մոտ 400 բռնագանձման հայց էր ներկայացրել ըննդեմ այդ պահին Արցախի սահմանը պաշտպանող մեր կամավորականների, ակնհայտ նպատակ ունենալով ստեղծել այնպիսի իրավիճակ, որպեսզի ազատամարտիկները իրենց կացարանները կորցնելու վտանգի տակ լքեն սահմանը»:

Ընկերության հիմնադիր տնօրեն Սուսաննա Սարգսյանը բազմիցս անդրադարձել է, ռուս-ադրբեջանական «ՎՏԲ-Հայաստան բանկ» ՓԲԸ-ի կողմից ՀՀ ում իրականացվող հայատյաց քաղաքականությանը: Նա ընդծել էր, որ Ադրբեջանը դե ֆակտո հանդիսանում է «ՎՏԲ-Հայաստան բանկ» ՓԲԸ սեփականատեր, որը ցինիզմ է, և որին պետությունը պետք է միջամտի:

Ու չնայած խնդրով դիմել է և՛ ՀՀ նախագահին, և՛ գլխավոր դատախազին, և՛ ԱԱԾ տնօրենին, և՛ ԿԲ-ն, նշելով, որ վերոնշյալ հանգամանքն իրական սպառնալիք է ստեղծում ՀՀ անվտանգությանը, սակայն մինչ օրս պատասխան չի ստացել:

Ընկերությունը տեղեկացնում է նաև, որ «ՎՏԲ-Հայաստան բանկ» ՓԲԸ-ին արտոնագրից զրկելու հարցով արդեն իսկ ընթանում է ստորագրահավաք և մեծ հույսեր ունենք, որ շատ շուտ հարցը կլուծվի հոգուտ Հայաստանի Հանրապետության և ռուս-ադրբեջանական «ՎՏԲ-Հայաստան բանկ» ՓԲԸ-ը մեր համաքաղաքացիների հանդեպ ունեցած ողջ սառկազմով կլքի ՀՀ-ն, ինչպես նրա բաժնետերը՝ Ադրբեջանը առհավետ կհրաժարվի Արցախը իրենը համարելու երազանքից»: